Page 71 - KPA 12 OCT 2015

Varios kiebra y tambe ladronicia di auto diabierna y
diasabra

Publication: Monday, 12 October 2015. Categoria: Policial

ORANJESTADAAN)– Diabierna y diasabra tabata tin varios caso di ladronicia di auto of
intento di ladronicia, ademas destruccion di bentana di auto. Diabierna mainta polis a bay na
Emmastraat unda e homber K. a denuncia kiebra den su auto V-665 Chevy Sx4 di plata.
Desconocinan a kibra bentana na banda drechi dilanti di e auto y tambe e contacto pa yabi, pa
por a bay cu e auto, pero no a logra den esaki.

Na San Nicolas tambe diabierna mainta e dama A. a yega na warda di polis y a denuncia cu su
auto Suzuki WagonR blanco A 43312 a wordo horta. Polis a haci anotacion di e denuncia.

Na warda di polis na Playa a presenta e homber P. cu tambe a denuncia ladronicia di su auto
Nissan Sentra color blanco A 46162. E auto a wordo horta pa un persona desconoci diaranzon
den Macubaristraat. E sospechoso a haya un cabey boto cu P. na altura di Cirkle K.

Ora cu a yega na e adres menciona P. a sali di auto y e sospechoso a dicidi di core bay cu e auto.

Diabierna atardi Flex team a haci control tambe den rayon Dakota, specificamente den cayanan
Pindastraat, Mandolinstraat, Appelsinastraat, y Timbalstraat. no tabata tin nada particular
akinan.

Despues nan a haci controla na Hamaca, Sandra’s Garden, Roadside Cafe etc. na Parke turismo
durante happy hour y a sigui pa Ranchostraat y a ripiti e control entre 9 or y 11 or anochi pero
sin algo particular constata.

Flex Team a controla e oranan ey den vecindario di Arashi y di hotelnan. Den madruga a haci
patruya na pia na Gusto, Senjor Frog’s y rond di lugar di staciona auto y vecindario, pero sin a
nota algo negativo.

Equipo Flex y tambe polis di distritonan a haci control durante diabierna y diasabra. Diabierna
mainta polis di Santa Cruz a patruya y haci control na Mina di oro di Bushiribana, Boca Mahos,
Brug Natural, unda hopi turista a bishita, pero no tabata tin nada particular pa raporta..

Diasabra mainta 8 or polis di Playa a bay tambe na n adres na Paradera unda tabata tin kiebra den
auto. Aki e bentana banda di chauffeur a wordo kibra y desconoci nan a boltea den e auto pero
no a bay cu nada. A tuma anotacion di e caso aki.

Pero patruya di Santa Cruz den oranan di madruga tabata tin trabao na Tamarijn. e autonan A-
50866, un Toyota Yaris blauw a wordo kita di eynan cu truck di tow, pa investigacion. Tambe
un Toyota Yaris blanco A42486 y un shinishi a wordo kita cu truck di compania di tow
vehiculo y hiba warda pa investigacion relaciona cu armanan cu a wordo haya.

Diasabra madruga algo pasa di 4 or polis di San nicolas a bay na Pastoor Hendrikstraat unda
tambe un auto a wordo horta. Nan a papia cu e homber J. cu a bisa cu diasabra anochi un cuarto