Page 31 - MIN ARENDS

A2
Diabierna 15 September 2017

Hues ta dicta na fabor di AVP pa core parada diadomingo

ORANJESTAD - Manera conoci, partido MEP a hiba gobierno corte den un caso sumario
pa nenga nan parada riba ultimo diadomingo prome cu eleccion. Hues a duna sentencia ayera
den e caso aki unda a dicta na fabor di AVP pa core nan parada diadomingo despues di un de-
liberacion di casi un ora.

Abogado Anthony Ruiz cu tabata representa partido MEP, a enfatisa den corte cu MEP ta e
prome partido cu a entrega peticion pa parada riba e ultimo diadomingo prome cu eleccion.
Nan a haci esaki 4 di januari y te dia 11 di september, dies dia prome cu e parada di diadomin-
go, MEP ta haya un carta di minister di Asuntonan General Mike Eman, ta nenga e peticion
pa e parada aki. “Nos a haya esaki naturalmente hopi straño. Pasobra nos a mustra den tur e
maneho nan cu gobierno tin, y nos tabata tin presente inspector di polis y hefe di cuerpo pre-
sente cu ta bisa cu e maneho ta, esun cu entrega prome ta haya permiso prome.”

Ordo y siguridad
AVP a entrega su peticion pa un parada di auto riba 7 di mei. Y asina mes hues ta bisa cu e ta
haya cu AVP ta hay’e prome, pasobra e ordo y siguridad ta un di e argumentonan cu a wordo
uza pa nenga un peticion di un partido. Un apelacion lo por wordo evalua segun abogado
Ruiz, pero esaki ta practicamente imposibel. Den nos trabao, gana y perde ta hopi cerca di
otro, e ta bisa.
Pero pa perde den e manera aki pasobra bo contra partido ta sconde un documento cu ta
asina esencial cu por a conduci pa abo gana e caso, ta di lamenta, e ta haya. KPA (Korps Politie
Aruba) a indica cu nan por a maneha dos parada pa tur hende lo ta contento e dia ey. Esey
tabata den e di dos carta pero abogado Ruiz a haya sa di esaki na ultimo. El a purba di convenci
hues ainda di esaki pero ya hues a indica cu el a yega na un sentencia y no por haci nada mas.

A sconde pagina di carta pa hues
Segun abogado Ruiz, locual ta remarcabel ta cu despues cu e caso tabata finalisa, nan a bin haya
sa cu AVP a uza un solo pagina di un carta di 6 di september di hefe di cuerpo di polis, manda
pa minister presidente den nan defensa den corte.
“Nos a bisa hues cu nos kier e di dos pagina ey, pero e no a worry cu e carta ey. Den e carta di
hefe cuerpo policial, ta bisa cu si ta persisti, nan lo por handle tur dos parada riba mesun dia.
Pero e carta ey a wordo scondi deliberadament . Si hues lo tabata tin e carta ey den su man, e
lo a conclui otro. Pasobra e unico argumento cu el a duna ta e orden y siguridad.” E ta sigui
bisa cu hues a basa su sentencia riba un mentira cu e no por yuda, pasobra na e momento ey
no tabata tin e carta pa trece dilanti den e caso.

Reaccion AVP
Parlamentario y lider di fraccion AVP Marlon Sneek ta comenta: “Bo tin un permiso cu mane-
ra hues a indica pa ordo general, no ta bon pa tin dos parada core den mesun momento. Anto
esun autorisa pa tuma e decision (minister president) a tuma e decision segun reglanan stipu-
la.” Sr. Sneek no a participa den e debate aki den corte, pasobra den e caso aki abogado a pidi
pa su persona bay como testigo y mester drenta corte na momento cu hues yama bo. “Nos ta
sigui cu e preparacionnan cu nos tin pa nos parada dia 17 awo.”
Locual ta keda straño ta cu cuerpo policial mes a invita e partidonan un par di siman pasa pa
yega na e palabracion cu lo tira lot pa determina ken riba cua dia por tene un parada. Kico a
pasa cu e palabracion haci aki, no ta conoci.

Reaccion MEP
“Mi ta kere cu awe ta un dia hopi scur. Awe nos ta mira kico dictadura por haci pa nos pais. Mi
ta kere cu tur ciudadano na pais Aruba, awe mas cu nunca mester realisa bon cu un voto den
Mike Eman y AVP, ta un voto pa dictadura na Aruba. Y no cu ta ami ta bisa, nos ta weita awe
un caso cu a yega asina leu simplemente pa terkedad y dictadura di un prome minister,” tabata
e comentario di lider di fraccion MEP Evelyn Wever Croes, pafo di corte despues di e caso.
Sra. Wever Croes ta bisa cu ningun momento AVP a bin cu prueba cu nan a entrega un peti-
cion mes pa e parada aki. Referiendo na abogado Sjiem Fat den defensa di gobierno: “E ta un
violacion hopi serio di reglanan di etica di abogadonan caminda cu ta sconde un documento
pa e contra partido. Esey ta cosnan cu no ta aceptabel y lo tuma pasonan adicional contra dje
pa e tipo di manipulacion akinan.”
E ta sigui bisa cu pa e caso aki tabata importante, pasobra nan a mira den henter e campaña
electoral, un lider di un partido cu no a gusta ningun regla anto a kibra tur. “Ora di entrega
lista, e no a gusta e orario, e mes a traha su regla. E debatenan cu tabata tin, e no a gusta e regla-
nan pues e mes a traha nan. Bo ta wak cu e ta bin di un mentalidad hopi dictatorial.”
AVP lo core un parada normal cu permiso riba diadomingo y MEP a dicidi di tuma e dia aki
manera otro dia di campaña. “Nos ta respeta decision di hues pasobra nos ta biba den un es-
tado di derecho. Mi ta aspirando na e posicion di mas halto na Aruba anto mester duna e bon
ehempel. Y no bin impone cosnan riba hende.”