Page 13 - utilities

20 AWEMainta Diabierna, 21 Augustus 2015

Young Actors Aruba di Da Vinci Academy

A realisa un
biahe educativo

pa New York

SIMAN pasa, e studiantenan di Young Actors Club a

bolbe bek Aruba depues di un viahe educativo pa New
York.
E dies studiantenan cu a haci e viahe ta varia entre 13
y 17 aña y nan a keda un siman na New York unda cu
nan a filma parti di nan pelicula nobo “The Package” y
tambe nan a sigui diferente workshops di actuacion n›e
famoso “The Acting Studio New York”.
“Nos a scohe concientemente pa diferente workshops,”
Armand Simon, Director di Da Vinci Academy y inicia-
dor di e proyecto aki ta menciona.

“Nos tin un grupo hopi talentoso y e
intencion di e workshops tabata pa ilustra e

diferente technicanan di actuacion,”

Armand ta sigui.
E studiantenan a wordo introduci n›e technica di
Meisner, nan a siña technicanan pa hasi audicion, con
pa analisa script, historia di teatro, construcion di un
monologo y actuacion dilanti camera.
Banda di e schedule intensivo di tur e workshops tambe
e Young Actors a haci diferente filmacionnan pa nan
pelicula nobo.
“E pelicula ta tuma lugar parcialmente na New York y
parcialmente na Aruba.
Durante e simannan venidero nos lo caba di filma na
Aruba p›asina cuminsa hinca esaki den otro,” Armand
ta bisa, ya cu e ta desea di manda esaki pa AIFF.
“Producion di e pelicula aki no por a ser realisa sin e
ayudo di diferente sponsornan,” Armanda ta enfatisa.
“ Na nomber di tur e studiantenan di Young Actors Club
nos ta gradici e sponsornan: Divi Impact, ATA, Kiwanis,
Caribbean Mercantile Bank, NOW!, Setar NV, Utilities
NV, ASAP, Visser Trading, My Time y Minister Paul Croes
p›e sosten y confiansa”.