Page 23 - MIN JUS 10 MAART 2016

e por a causa, e no ta hustifica bao di ningun condicion pa el a bira victima di un crimen, e minister a
bisa enfaticamente.
Si un persona ta sinti su mes den peliger e por defende su mes, pero den e caso di Franken tin
indicacion cu no ta trata di un persona cu a bay defende su mes, pero a wordo uza violencia y
instrumentonan prohibi pa nos leynan contra Franken, cu tabatin consecunencia fatal.
A pidi e mutaties (kehonan) cu tin contra Franken ultimo tempo pa repasa kico tabata pasando
exactamente.
Tin buraco den ley of e leynan no ta wordo uza adecuadamente of optimalmente pa busca yudansa,
Minister Dowers a bisa. El a agrega cu mester tin guia, facilidad unda cu e persona por wordo
interna pa e no forma risico pa comunidad, y pa e no bira un victima di crimen.
Minister Dowers a splica cu na 2015 a adapta un ley cu ta regarda con ta atende cu personanan cu
problemanan mental, y ministerio di husticia tin instrumentonan adicional pa atende cu personnan
cu problema mental, y tin instrumentonan cu ta dunando resultado. Sinembargo, den e caso
specifico di Franken ningun di e instrumentonan cu tin a wordo uza suficientemente.
Den e comision tambe lo mester participa adicional di Ministerio Publico, Polis y instancianan
encarga cu adiccion, representantenan di Salubridad Publico. Asina ta garantisa cu e conseho ta
inclui e punto di bista y sugerencianan di expertonan den e ramonan concerni y e conseho ta e miho
posibel.
Minister Dowers a splica cu ora a presenta cierto instrumentonan adicional no tur hende tabata di
acuerdo pasobra tabata concerni tratamento obligatorio of interno. Esunnan cu a opone e
instrumentonan aki a bisa cu ta atacha derechonan humano, pero hustamente nan tabata pa
proteha e persona cu mester ricibi e tratamento, y pues no tur critica tabata funda, el a agrega.
E minister a bisa cu sinembargo mester di un evaluacion y algun di e instrumentonan di e forma cu
nan ta hinca den ley ta tuma largo pa wordo aplica y tin biaha tambe e instrumentonan no ta parce
un caminda hopi largo pa yega na solucionnan.
Minister Dowers a remarca cu tin otro factornan ta hunga rol tambe den un comunidad cu a crece
asina hopi manera esun di Aruba, incluyendo “tolerancia”, cual a bira menos pa cu hendenan cu ta
causa molester.
El a conclui bisando cu violencia no ta e contesta, y cu ta di lamenta cu esey ta hustamente e
caminda cu algun persona ta scoge, y investigacionnan ta andando pa resolve e caso aki tambe.



http://masnoticia.com/minister-arthur-dowers-ta-pidi-recomendacionnan-pa-atende-pa-personanan-
cu-por-ta-un-peliger-risico-pa-comunidad-pa-nan-mes/