Page 33 - MIN VOS_Neat

36 AWEMainta Diasabra, 22 Juli 2017

Accidente na subida

di Lago Heights

AYERA tardi, a sosode un accidente na subida di
Lago Heights, ora un Lexius, pa motibonan desconoci,
a perde control y a bay dal duro riba e muraya, lag-
ando un ocupante basta herida. Mester a pidi ambu-
lance pa transport’e pa haya mas atencion medico na
Hospital, maske despues nos por a compronde cu e
no ta nada grave.
Loke si por a mira cu Polisnan a pone chofer supla y
ora cu a constata cu e porcentahe di alcohol ta mas di
loke ta permiti, a dicidi di boei e chofer y a bay cune
deteni, y a hib’e Warda di Polis na San Nicolas mes.

Secuencia di entrega

di lista di partidonan

politico ta conoci

Dia 4 di augustus t’e dia cu tur partido cu lo participa
na eleccion di dia 22 di september lo entrega nan lista di
candidato.
Mester bisa cu Conseho Supremo Electoral a yega n’e
siguiente proposicion:
Entre 9or pa 9:30am, partido MAS, lo bira e prome
partido cu lo entrega su lista.
Entre 9:30am pa 10or, ta turno na RED Democratico.
Pa 10or pa 10:30am ta turno na partido CURPA.
Sigui pa 10:30am pa 11or, partido AVP.
Pa 11or pa 11:30am ta turno pa UPP.
Entre 12:30am y 1pm, ta partido ABO.
For di 1pm pa 1:30pm, ta turno pa PPA.
Pa 1:30pm te cu 2pm ta partido MEP.
Sigui pa 2pm pa 2:30pm, partido POR.
Y seramento di cura ta pa 3pm pa 3:30pm, partido RAIZ.