Page 24 - MIN JUS 13 NOV 2015

42 Djabièrnè 13 Novèmber 2015
...Otro siman...

ULTIMO AKUSADO
KASO ATRAKO
FREEPORT DEN
KORTE

WILLEMSTAD. - Dia 16
di sèptèmber tras di lomba,
abogado mr Janssen a pidi
korte pa no trata kaso di
Rionel Hernando e dia ei,
akusá di ta kómplise den
e intento ku tabatin pa
atraká Freeport Jewelers na
Renaisssance Mall.

Motibu ku e abogado a
pidi hues pa no trata kaso di
e akusado aki, ta pa e echo
ku e tabata ke un rapòrt
sikológiko i di reclassering.

E abogado ta haña
ku pa trata un kaso di e
magnitut aki tur kos mester
ta kompleto. Banda di esei,
e mester haña chèns pa por
papia ku su kliente riba e
resultado di e rapòrtnan.

E abogado a pidi tambe
un DVD di e loke ku a pasa.

E dia ei fiskal no tabatin
problema pa ku suspenshon
di e kaso i esaki ta pone ku
otro siman e kaso aki lo
keda tratá.

Ta trata di un plan pa
atraká Freeport Jewelers
dia 25 di mei di e aña aki. E
plan ta faya i e grupo no ta
logra den nan intento.

Vários di e ko-
akusadonan a keda kondená
i awor ta e kaso di Hernando
ta pendiente.

ANOCHI
PREMIASHON
LITERARIO MISA

WISHI

WILLEMSTAD.-
Komishon preparashon
85 aña misa di Wishi ta
invitá hinter komunidat
pa asistí na un aktividat
speshal djasabra 14 di
novèmber próksimo anochi
7’or pa 9:30 na misa di
Wishi. Skol di fundeshi,
skolnan avansá, grandinan
den institutonan i esnan
den grupo di grandi ta bai
ekspresá nan sentimentu
den un konkurso literario
ku e tema: Kiko ta nifiká tin
un misa den mi bario. Lo
tin kuenta, poesia, rèp,
eksposishon di pintura i
maketa di misa, kompañá pa
kanto i músika. E komishon
ta spera públiko en general
i parokianan di misa di
Wishi en partikular pa
apoyá i disfrutá di obranan
original i spontáneo di 40
partisipantenan.