Page 25 - MIN JUS 13 NOV 2015
P. 25
Djabièrnè 13 Novèmber 2015 43
...Ultimo tempu...
MINISTERIO PUBLIKO
KU HOPI PETISHON
PA EHEKUSHON DI
KASTIGU
WILLEMSTAD. - Ultimo
tempunan Ministerio
Públiko ta trese vários kaso
dilanti ku petishon na Korte
pa ehekutá kastigunan
ku ta kologá riba kabes di
kondenado nan ku tin di
sinta nan kastigu ainda
òf ku tin kastigunan
kondishonal pa sinta.
Den mayoria kaso
Ministerio Públiko ta pidi
korte pa ehekutá kastigunan
di esnan ku a kai bèk den
gara di hustisia den nan
periodo di prueba.
Esaki ta e kaso di Lutinel
S. ku a kometé ladronisia
dia 17 di yüli, miéntras ku e
ta den su periodo di prueba
di un kastigu anterior.
Den e kaso resien ei el a
intentá di hòrta den kas di
hende i den e otro kaso el a
hòrta un outo.
El a keda kondená na 15
luna flèt i awor ta pidi pa
hues imponé e otro kastigu
ku tin kologá riba su kabes
di e kastigu anterior.
Den e último tempunan
por a tuma nota ku
Ministerio Públiko no ta
basilá i ta pidi korte pa
duna nan òrdu pa ehekutá
kastigunan ku ta kologá
riba kabes di residivistanan.
