Page 5 - awem may 18

AWEMainta Dialuna, 18 Mei 2015 5

“Mi kier sigura comunidad cu nos tin un bon Cuerpo di Polis y mi ta durf di bisa, un di e miho nan
den henter nos region. Nos ta soluciona mas caso compara cu otronan, nos ta ofrece mas servicio
cu otronan, nos ta miho capacita, nos tin mas experto den cas y asina mi por sigui menciona.
Riba dje, nos tin sistemanan di control interno pa sigura nos mes cu tur cu ta traha como Polis
ta hendenan integro y cu ta tene nan mes na normanan halto di disciplina y comportacion,”
Richardson a bisa.

Comunidad ta nos partner principal, pasobra pa nan nos ta traha. Asina cu nan sinti cu nos
a faya na e imagen cu nan tin di nos of cu nos mes ta atacha e percepcion di ta un di e miho
Cuerponan di Polis den e region aki, anto nos ta actua mesora. “Nos kier sigura cu pueblo ta
sigui mira Polis como su amigo, cu e por conta riba dje ora mas e mester di dje,” asina mr. Dolfi
Richardson a termina bisando.

Lamentablemente cu Alto Comisario Dolfi Richardson no a reacciona mes riba e incidente pa cual
a cuestiona integridad di polis. E.o. kico e lo pensa di haci, maske a ser bisa cu tin un investigacion
interno. For di awor ta bon pa demanda pa ora cu e investigacion aki ta cla, pa duna publicidad
na dje tambe, pa demostra cu tin transpariencia completo.