Page 5 - AWEM NOV 5

AWEMainta Diahuebs, 05 November 2015 5

Consciente cu comunidad no tin beneficio na un polemica entre companianan

Un root cause analysis lo demostra e causa
di e blackout di 23 di october ultimo

WEB Aruba N.V. ta reacciona
riba ponencia di N.V. Elmar

COMO reaccion riba publicacionnan ayera den medionan di comu-

nicacion, WEB Aruba N.V. ta informa cu un root cause analysis lo
demostra unda e fayo a inicia, cual a conduci n’e blackout di dia 23
di october ultimo.
Aunke e resultado lo no yuda comunidad mucho aworaki, ta impor-
tante pa tanto WEB como Elmar a averigua inicio di e fayo, pa evita
ripiticion.

Mes importante ta p’e companianan ruman WEB y Elmar comunica
efectivamente den situacionnan similar. Di su banda durante e blackout
WEB a trata mas tanto posibel di informa comunidad via radio y nan
pagina di Facebook y despues via television, pa tene comunidad na altura
di ki tempo por spera coriente bek despues di e blackout.

Enberdad e prioridad na momento di e blackout tabata
pa stabilisa e situacion di coriente mas liher posibel.
Sinembargo n’e momento di e blackout, t’e propio tecni-
conan di Elmar a informa WEB di e fayo den nan feeder.
WEB ta sigui su comunicado bisando cu e siman aki
e investigacion ta keda cla. Entretanto WEB, Elmar y
Utilities lo reuni pa no trece mas confusion riba e suse-
dido aki.

Ladronisia di
cartera den auto

E homber P. a bay warda di Polis diamars 10.50, warda

di Polis pa un kiebro y ladronisia den auto. E homber
P. ta bisa cu el a para su auto Toyota Yaris A-33437 na
haltura di Circle K. y lague sera na yabi. Ora cu el a bay
bek na su auto el a mira cu e porta no tabata bon sera.
Ora cu ela bay sera e porta, el a mira cu e glas chikito
tabata kibra y nan a listra den su auto.
Un tas cora cu contenido y cartera a wordo horta. Polis
a tuma e keho.

Hobennan ta haci cosnan
di baldadi na Savaneta

CENTRAL a manda Polis diamars 14.35, na Savaneta

na haltura di cas di Gobernador. Eynan e personal di
CEA, ta bisa cu algun mucha di scol a cana subi rib’e
tereno priva. Ora e guardia a papia cu nan, nan a bira
agresivo y algun di nan a tira boter di glas rib’e guardia.
Polis a bay busca e studiantenan, pero nan a subi den
bus.