Page 13 - ARUBA BANK 10 MAART 2016

BBA Offshore Bank ta cera porta na

juni proximo

Posted on 03/9/2016 11:18 am AST | Updated on 03/9/2016 7:52 pm AST

ORANJESTAD - E banco offshore conoci comercialmente como BBA Bank ta cera su porta mitar di e aña aki. Segun un informe
oficial di e banco, nan lo ‘disolve y liquida’ e banco entrante 15 di juni 2016. Motibo principal duna, ta ‘varios obstaculo cu a
blokia crecemento rendabel’. Ademas di esey, e banco ta bisa cu ‘otro circumstancianan personal tambe a hunga un rol den e
paro boluntario di operacion’. E banco ta bisa cu tur depositor y creditornan lo wordo reembolsa y paga si. E desicion mes pa
disolve e banco su operacion, a bin apenas siman pasa diabierna 4 di maart 2016 durante un reunion general di accionista. E
banco, situa na Punta Brabo, a wordo lanta na januari di 2008 y a cuminsa su operacion na 2009. Un directiva di 7 persona, di
cual cu excepcion di uno, tur ta Arubiano y personanan conoci den comunidad.

http://www.noticiacla.com/news/5286