Page 3 - MIN.TTC OTMAR ODUBER JAN 23,2015

Diabierna, 23 Januari 2015

AAA a duna
reconocimento
na Grenspolitie y
United Airlines

AWEMainta.com | E-mail: noticia@awemainta.com | RECIENTEMENTE Aruba Airport Authority N.V.

(AAA) a duna reconocimento na dos instancia, cu sigur a
contribui cu awe AAA por mira atras riba un aña yena cu
logro, desafio y oportunidadnan grandi pa futuro.
Asina e CEO di AAA, sr. James Fazio a duna di conoce
durante e Relations Party Annual.
Durante e anochi aki AAA kier a haci entrega di 2 award
special na 2 partner cu a resalta den 2014.
E AAA Partnership Award 2014 a bay pa Grenspolitie di
Aruba y e AAA Airline Partnership Award 2014 na United
Airlines.
E AAA Partnership Award a reconoce Grenspolitie di
Aruba como un stakeholder importante y vital pa asegura
y segura nos Aeropuerto.
E AAA Airline Partnership Award 2014 a reconoce United
Airlines como un di Aeropuerto su Airline Partnernan cu
ta keda re-afirma su compromiso cu Aruba cu mercadonan
nobo y aumento den capacidad di asiento, como tambe
un record di excelencia operacional y un historia cu ta
demostra cu e ta un business partner excelente.
E potretnan ta ilustra e otorgamento di e AAA Partnership
Award na sr. Mario Werleman di Grenspolitie Aruba y
tambe di e otorgamento di e Airline Partnership Award na
sr. Eric Gumbs di United Airlines.

www.facebook.com/Awemainta | Tel: 583-1400