Page 2 - Binder1
P. 2
Artistanan di Aruba lo presenta den W.M.C na Miami
Friday, 20 March 2015 21:29
Comparti
Winter Music Conference na Miami Beach ta cla pa start sali cu nan eventonan pa asina celebra nan di 30
aniversario. Pa celebra esaki den grandi WMC hunto cu Paradise World di Curacao ta organisando e
opening oficial di WMC 2015.
Tema di e fiesta ta Caribean takeover. Varios artista di Caribe lo percura pa pone ambiente. Entre e
artistanan internacional tambe tin e famosonan di Aruba esta NutzBeatz y Steve Andreas. Steve Andreas
a caba di "release" su single mas nobo titula Misunderstanding. E single aki ta disponibel gratis pa
download pa mundo completo. E apertura oficial di W.M.C lo tuma luga dia 24 di Maart na e gran
Deaaville Beach Resort na Miami Beach.
Pa mas informacion tocante e fiesta bishita www.paradiseworldfestival.com
Pa scucha e single nobo di Steve Andreas click https://soundcloud.com/steveandreasofficial/steve-
andreas-misunderstanding
“Walk with a Vision 2015”
Friday, 20 March 2015 21:27
Comparti
FAVI, Fundacion Arubano di esnan Visualmente Incapacita ta organisa su di 4 caminata di 5 km, riba
diasabra dia 28 di maart proximo. FAVI kier a invita tur hende pa bin tempran esta 4:00 pm pa asina
nan por registra. Esnan cu tey tempran por gosa pa 5:00 pm di e zumba warm-up hunto cu zumbero
Dwayne Wever.
Despues di e warm-up e caminata lo cuminsa pa exactamente 5:30pm.
Ruta di e caminata lo ta di Fishermen’s hut bai direccion Arashi, bira bin bek y caba na Fishermen’s hut.
