Page 5 - Binder1

haci.
Riba diasabra dia 28 di maart venidero lo tin un atardi infromativo pa tur hoben y mayor cu ta desea di

haya sa mas di Rainbow for Girls. Pa mas informacion tocante e organisacion por yama libremente na

telefon 593 4192.

Pueblo a celebra Dia di Himno y Bandera na Cas di Partido
AVP

Friday, 20 March 2015 20:54
Comparti

Cas di Partido AVP diaranson tabata yena cu ambiente di celebracion den cuadro di Dia di Himno y
Bandera. Hendenan tabata yega pa busca e tradicional cuminda cu tabata wordo bendi tur aña na Cas di
Partido. Pero tambe loke cu a atrae e hendenan tambe tabata pa compra di rifa di e auto cu a hunga riba e
sorteo di Big Four, dia 19 di maart anochi.

E dia aki no solamente a wordo carecterisa pa e ambiente musical cu e pueblo ta conoci cune, pero tambe

e hendenan tabata yega pa cumpra pida di e bolonan dushi, traha na cas y un di e sopinan cu a wordo
bendi den e skina bou palo. Aki e ciudadano a haya chens di combersa cu lider di partido hunto cu su

esposa Doina.

E dia aki grandi y chikito por a disfruta di diferente tipo di wega y hasta Parlamentario drs. Rene Herde a
wordo reta pa competi den bulamento den saco di koes y a gana e reto tambe. Otro atraccion e atardi aki

tabata subimento di palo di ceba, cu ta un wega tradicional di Aruba, y cual tambe a bay bon bou grito di

apoyo di e publico presente.
Cas di Partido AVP ta gradici tur esnan cu a acudi na su celebracion di Dia di Himno y Bandera y ta invita

e pueblo pa keda pendiente pa mas actividad.