Page 4 - Binder1

Ekiponan deportivo, organisacionnan social, gruponan di scouting, baile y te hasta clubnan di auto ta

ilustra con un gran parti di nos poblacion ta activo di un manera positivo. Prome Minister Mike Eman ta

disfruta enormemente di wak e segmento aki durante e celebracionnan nacional tur aña na luna di

maart.
Como un activista di comunitarismo, ta un satisfaccion pa wak con persona di tur generacion ta sea

dunando man na otro, haciendo movecion sano of ta disfruta di un hobby en comun. Cua cu por ta e

motibo, cada un ta crea lasonan den e comunidad cu ta continua te hasta pafo di e actividad comparti y
durante henter 12 luna di aña.

Ta en berdad un goso pa Gabinete Mike Eman II di por a wak diaranson ultimo con un total di casi tres

mil persona tabata riba pia, y algun te hasta riba cabay, demostrando con nos ta un pais no solamente
multicultural, pero tambe multifacetico.

Tabatin mas cu 60 grupo, entre cual mester menciona tambe oficialnan di Arumil, Formacion Social;

boluntarionan di Cruz Cora Aruba y Brigada Bomberos del Caribe, atletanan local di landamento, futbol y
baseball. Organisacionnan di formacion di liderazgo tambe ta masha importante y por a mira varios

capitulo, entre nan Kiwanis y naturalmente Scouting.

E Desfile Nacional ta un actividad cu ta ripiti tur aña riba 18 di maart cu e intencion pa ilustra

exactamente tur e calidad y bon boluntad cu ta existi riba nos dushi isla. Tabata imposibel pa Prome

Minister Mike Eman cuminda cada un di e participantenan, pero sigur kier a expresa su danki di

curason. Danki na un y tur pa nan aporte na un tremendo celebracion di nos Dia di Himno y Bandera,

pero principalmente pa e trabou valioso cu ta haci durante henter aña.

Rainbow for Girls a tene un exitoso bake sale riba dia di
Himno y Bandera

Friday, 20 March 2015 15:00
Comparti

Manera ta custumber pa algun aña caba, e organisacion di Rainbow for Girls a tene un recaudacion di
fondo den forma di un bake sale durante celebracion di dia 18 di maart na Fort Zoutman.

Durante e mainta festivo aki, e miembro nan a bende diferente cos dushi manera kuki, bolo, brownies,
drigidek, chupabebe, awa di lamunchi, pastechi, kroket y hopi mas. E meta di e bake sale aki ta pa
recauda fondo pa realisa diferente proyecto di servicio cu Rainbow for Girls tin plania. Rainbow for Girls,
cu a wordo funda na aña 2002 na Aruba, ta un organisacion internacional pa mucha muhenan entre 11 y
21 aña cu ta yuda forma hobennan pa bira lider nan den nos comunidad atrabes di trabou comunitario.
Rainbow for Girls ta siña hobennan e importancia di haci obra nan di servicio y caridad door di participa
den diferente proyectonan boluntario durante henter aña.

Den e siman y lunanan venidero, e miembro nan di Rainbow for Girls lo participa den diferente proyecto
manera entre otro Aruba Doet caminda nan lo bai verf na Colegio Conrado Coronel. Tambe nan lo yuda
cu Fiesta Rotaria, nan lo organisa un beach clean-up, nan lo colecta placa pa Wilhelmina Kankerfonds y
nan lo bishita cas di nos grandi nan. Tur esaki ta djis algun ehempel di e trabou nan cu e organisacion ta