Page 27 - MIN.JUS APRIL 22,2015

Arubus a bolbe perde caso contra chofer Joselito

Publication: Wednesday, 22 April 2015. Categoria: Judicial

ORANJESTAD (AAN) – Ayera mainta, Huez a duna
sentencia den e caso di apelacion di Arubus contra e chofer Joselito.
Prome cu esaki Joselito a gana tres caso caba, y tin indicacion cu como tres siman pasa cu e caso
di apelacion a tuma lugar, gerencia di Arubus a wordo sugeri den Corte pa laga para y termina e
caso eynan pasobra nan no tabata tin argumento mas, pa gana e caso.
Efectivamente Huez a dicta sentencia na fabor di e chofer un biaha mas! Pa refresca memoria un
rato, pero como cu varios biaha a bin dilanti kico tabata e asunto, ta trata aki di e chofer cu a
confronta un problema cu un studiante di EPB cu tabata haya transportacion den bus escolar.
Kico a sosode ta bon conoci den comunidad.
E hecho ta cu Joselito a bolbe gana su caso y ohala e biaha aki lo bin trankilidad laboral pe, y e
angustia cu esaki a causa na su persona y su famia, por fin por keda den pasado.
Tin indicacion cu Diabierna awor lo tin e caso contra tres chofer cu a wordo kita pa e director di
Arubus, pa motibo cu nan a manifesta como reclamo riba e mal condicion di algun bus cu por a
trece na peligro nan mes como chofer y e pasaheronan. Y tin fuerte indicacion cu e siman aki un
otro chofer a wordo suspendi pa un inhusticia. DIARIO tin e informacion, pero pa awor nos ta
prefera pa no divulga ningun dato, te ora nos investiga mas a fondo e situacion, aunke,
aparentemente, e abogado di e chofer por a constata cu Arubus a suspende e trahador aki sin
ningun prueba palpable contra dje.
E situacion financiero di Arubus no ta di gaba y ta dificil pa compronde cu e compania ta bay
Corte pa perde caso cada bez, y na final di cuenta esun cu tin cu paga pa tanto proceso legal
asina, ta nos mes pueblo!
http://www.diario.aw/2015/04/arubus-a-bolbe-perde-caso-contra-chofer-joselito/