Page 29 - MIN.JUS APRIL 22,2015

Tin un inhusticia ta wordo cometi contra mi

Publication: Wednesday, 22 April 2015. Categoria: General

Alex Matthew ta denuncia

ORANJESTAD – Den un declaracion duna e
siman aki Alex Matthew a papia di e caso penal cu Corte a cuminsa contra dje, pa cual el a keda
condena door di Corte di Prome Instancia y a apela pasobra el a sinti cu tin un inhusticia ta
wordo cometi contra dje.

E acusacion contra Matthew ta contrabanda di ser humano y forma parti di un organisacion
criminal. Delitonan cu e ta sinti cu no tin prueba pa e por wordo condena pa algo asina. “Mi ta
sinti mi mes belazerd. Nunca e cosnan cu nan ta acusami di dje a sosode. Mi a duna nan cinco
aña pa investiga si el a sosode y si esaki a tuma luga di berdad, mi ta cera awe den KIA.” Y a
agrega cu si e pruebanan ta suficiente, e caso aki lo cera dia bieu.

E ta haya cu tur loke ta wordo papia di traficacion di ser humano cu ta acuse di dje ta algo sin
sentido. El a trece dilanti tambe cu el a pidi Mike Eman y e otro Ministernan pa kita prostitucion
for di San Nicolas ya cu tin mucha chikito cu ta cana tur dia ta wak e ambiente aki den e centro
di San Nicolas. El a ataca tambe esnan cu ta haci uza di e hendenan aki, cu ta participa den e
traficacion di ser humano como “hendenan vies”.
Y a sigui cu atake fuerte contra diferente persona. “Nos no por compronde cu tin Huesnan, cu ta
condena traficacion di ser humano, pero si ta bay Sasn Nicolas y paga mucha muhernan pa tin
sex cu nan. Huez, Polis, prostitutanan y Ministernan ta haci esey. Con por ta posibel cu bo ta
paga mucha muhenan pa drumi cu bo sabiendo cu bo sa cu nan no kier drumi cu bo. Pero nan tin
mester di e placa y si bo paga nan ta drumi cu bo. Kico esey kiermen, bo ta uzando un persona su
curpa pasobra bo sa cu nan mester di e placa,” Matthew a expresa.
http://www.diario.aw/2015/04/tin-un-inhusticia-ta-wordo-cometi-contra-mi/