Page 10 - AWEMAINTA
P. 10
10 AWEMainta Diabierna, 3 Januari 2020
Chauffeur femenino
a huy di sitio di
accidente pero gara
algun shen meter leu
DIAHUEBS rond di 3.10 di marduga a sosode un caso
di hit & run riba e caminda principal di Boegoeroei net
na e crusada di Berloni.
Informacion cu a haya na e sitio ta bisa cu un Nissan
Cube color blanco biniendo for di noord bayendo zuid
dado momento a hay’e cu un un auto marca Mazda Axe-
la, color shinishi, a sali for di e crusada sin paga tino cu
un auto ta bin for di noord. E consecuencia di esaki ta
cu el a bin dal den e Cube y despues baha na awa, segun
declaracion duna na Polis. E auto a sigui su caminda
manera nada a pasa.
Pero mucho leu e no a yega, ya cu Polisnan a topa e auto
cu e descripcion aki banda di Fermin’s Bar, algun shen
meter mas leu di unda e accidente a tuma luga.
E chauffeur femenino no tabata por a para riba su pi-
anan y hasta a cuminsa insulta e Polisnan. Mirando su
situacion y su comportacion a detene y a pidi presencia
di dogcatcher cu a transporta e señora burachi pa Warda
di Polis na Shaba.
E dama cu tabata den e Cube a resulta herida y ambu-
lance a bini na e sitio pa trat’e, ya cu e tabata keha di
basta dolor y despues a dicidi di hoiba hospital pa con-
trol medico.
Daño material na e vehiculonan tabata considerabel.
