Page 8 - AWEMAINTA
P. 8
8 AWEMainta Diabierna, 3 Januari 2020
Vehiculo a dal Hondo Civic y a causa cu esaki a bolter
DIAHUEBS den oranan di marduga, presencia di polis a
wordo pidi cu urgencia riba Avenida Nelson Oduber pa un
accidente basta serio, un poco mas panort di RBC bank
Na yegada enberdad polis a topa cu un Honda, Civic, color
cora kima, e auto tabata gebolter canto di caminda riba e
pida tera memey di e dos camindanan.
E chauffeur no tabata ni den auto y ni banda di e auto,
despues di un rato e dama chauffeur a baha for di un otro
auto, ela acerca e polisnan bou yoramento, splicando polis
cu e tabata coriendo e auto, e tabata bayendo direccion pan-
ort y na dado momento un auto a pasa dal den su banda,
esaki a pone cu ela perde control y a bay bolter.
Segun e dama, ela trata na controla e auto pa no bolter,
pero lastimamente e no por a evita esaki. E auto a keda ge-
bolter, cu su 4 tairanan na halto, riba e separacion di tera
entre e dos camindanan. E auto a dal durante cu e tabata
bolter contra un baranca grandi riba e pida separacion di
tera, entre e dos camindanan.
Polis a pidi pa presencia di ambulance, pa motibo cu e dama
chauffeur tabata kehando di hopi dolor di lomba. Na yegada
di ambulance, e paramediconan a trata e dama prome na e
sitio y despues a dicidi toch pa transport’e pa hospital, pa
asina e por haya un tratamento medico mas avansa.
