Page 12 - AWEMAINTA
P. 12
12 AWEMainta Diabierna, 3 Januari 2020
Explosion a causa candela den motor di auto
DIARANSON den oranan di mainta
presencia di polis a wordo pidi na ro-
tonde Sero Blanco pa un accident, den
cual un auto tabata na candela, me-
sora a manda polis na e sitio.
Na yegada polisnan a topa cu un auto
na candela, e chauffeur di e auto, un
Suzuki Aerio, a splica polis cu e ta-
bata biniendo di panort y manera cu
e tabata acercando e rotonde, ela scu-
cha un explosion hopi fuerte den e mo-
tor, e tabata asina fuerte cu ela lanta
e hood di auto, strobando asina e bista
di e chauffeur riba caminda. Esaki a
pone cu e chauffeur a bay dal contra e
acera di e rotonde.
E motor mesora a pega candela, polis
a basha awa riba e auto na candela y
a logra domina e candela. NO tabata
tin niun hende herida.
Varios kiebro aña nobo anochi
AÑA NOBO anochi tawata tin un evento grandi den
Playa cu a atrae un publico enorme, y esaki por a wordo
mira na e cantidad grandi di autonan cu a staciona tur
rond.
Pero, manera semper tin hendenan cu mente maligno y
ta busca cos malo pa haci.
Den Caya Ing.Roland H.Laclé altura di Landslaborato-
rium un dama a bay na Honda Crv y ta haya un sorpresa
masha desagradabel mes. E glas di chauffeur a wordo
kibra pa por horta den auto.
Segun declaracion di e dama, nan lo a bay cu un tas caro.
Den e tas lo tawata tin documentonan, joyas y un ho-
loshi caro.
Den casonan asina mucho cos no por wordo haci, sola-
mente si a mira algo.
Segun nos a compronde cu polis lo tin un informacion
cu lo por ta trata di un auto color blanco y nan lo tin e
number.
Parse cu e auto aki tawata circula bastante den e area.
