Page 42 - MIN TTC - JUNI 10,2015
P. 42
20 AWEMainta Diaranson, 10 Juni 2015
Diasabra 13
di juni riba
Linear Park
Comite Olimpico Arubano hunto
cu IBISA lo organisa Olympic Day
Walk & Run 2015
DIASABRA awor 13 di juni pa 9.30 di mainta, Comite
Olimpico Arubano conhuntamente cu IBISA lo organisa
e Olimpic Day Walk and Run 2015, conmemorando
asina e celebracion di Dia Olimpico.
Ya for di tempran pa 8or di mainta lo bay tin e 1, 2, 3 km
pa nos muchanan cual lo bira e School Kids Run.
Despues di e actividad pa nos muchanan lo sigui cu e
canamento y coremento riba un distancia di 5km pa tur
hende cu ta desea di haci esaki.
E eventonan lo ta riba Linear Park unda por registra pa
cu e evento y e prome 100 participantenan lo ricibi un
t-shirt di e Olympic Day Run 2015 como recuerdo.
E evento lo ta gratis pa tur participante.
Na final lo tin refreshment pa tur e participantenan.
Comite Olimpico Arubano kier a haci un invitacion
cordial na henter e pueblo, specialmente tur nos
atletanan di Aruba pa bin celebra e gran dia di Olympic
Day riba Linear Park.
Actividad fisico mester wordo mira como parti di nos
bida diario.
