Page 15 - MIN.VOS APRIL 23,2015
P. 15
18 AWEMainta Diahuebs, 23 April 2015
24 – 26 april 2015 na Eagle Beach
WEMA ITF G4
Beach Tennis
Ranking
Tournament
MANERA ya ta un custumber, e ultimo weekend di luna, Aruba
Beach Tennis ta organisa su ITF G4 Beach Tennis Ranking Tour-
nament.
Diferente cu e promenan e weekend aki e lo tuma lugar na Eagle
Beach. Set up lo ta manera semper, tent pa un y tur por bin sinta
den fresco y disfruta di e evento, bar y cushina bon surti. Musica
sigur lo no falta.
E programa lo cuminsa diabierna, 24 april na Tropicana Beach
Tennis Club cu e partidonan di singles den e categoria di adulto.
Esaki ta for di 6pm – 10pm. Diasabra, 25 april e torneo lo sigi na
Eagle Beach cuminsando di 10or di mainta.
E prome rond di womens doubles lo start sali y pa 11or tin e prome
rond di hende homber. Pa 1or pm lo cuminsa cu e partidonan di mix
doubles como tambe e youth doubles tournament (bou di 16 aña).
Ta algo hopi particular pa wak con e hobennan aki, algun apenas
cu a cuminsa un par di luna atras, bataya pa gana e titulo maximo.
Diadomingo 26 april lo cuminsa desde 9or mainta cu e ultimo rond-
nan di e womens doubles y mens doubles. Asina aki lo sigi te ora
yega n’e wega final cu ta premira di bira rond di 5or atardi. E ultimo
dia pa por inscribi ta diahuebs, 23 april 2015. Por haci esaki via di
http://www.beachtennisaruba.com/tournaments/35#register
Aruba Beach Tennis kier a invita tur hende cu ainda no conoce
e deporte aki pa pasa riba un di e fecha nan menciona y mira pa
boso mes.
