Page 18 - MIN.VOS APRIL 23,2015

AWEMainta Diahuebs, 23 April 2015 21

Team di International School ta gana weganan interinsular

Minister dr. Alex Schwengle
a felicita nos damanan
hoben futbolista

DEN e ultimo añanan e popularidad, participacion y cobertura

di “Weganan Interinsular”, unda cu scolnan di diferente isla ta
competi contra otro, a crece enormemente. E input di IBiSA den
training y guia na Aruba ta dunando resultadonan positivo.
Entrenamentonan ta wordo tuma hopi na serio y e resultadonan
ta bisto. Un di e ekiponan di Aruba cu sigur a atrae hopi atencion
durante e weganan di fin di siman pasa tabata e ekipo di futbol
di International School of Aruba cu a haci un tremendo papel na
Corsou.

Minister di Deporte, dr. Alex Schwengle ta felicita tur esnan cu a
contribui n’e exito aki, incluyendo meneer Lee y meneer Samin-
goen di International School of Aruba, e teamnan di Aruba cu a
yuda den nan training ora di weganan di fogeo, e mayornan di e
hobennan y IBiSA.
“E ekipo di damanan hoben di Aruba a surpasa delaster un reto y
a gana delaster un wega, nan a hisa e bara masha halto pa otro-
nan sigui y asina a logra e di prome luga y e titulo maximo di e
Campeonato.
Nos a sigui tur desaroyo, aunke di leu, y ta hopi contento pa wak
nos hobennan activo, disciplina y triunfante,” Minister Schwengle
ta remarca.

“Ta un prestacion excepcional pa na final di un torneo asina nan a
keda invicto, cu 23 gol na nan fabor y 0 gol contra. Masha, masha
pabien n’e ekipo estelar di futbol di International School. Masha
pabien n’e hungador mas valioso di e weganan, Yori Broussard.
Masha pabien Aruba,” e mandatario ta conclui.