Page 16 - MIN.VOS APRIL 23,2015

AWEMainta Diahuebs, 23 April 2015 19

Aruba Amateur Weightlifting Association
lo organisa su competencia
en conexion Dia di Rey

CADA aña mayoria federacion tin riba nan calendario un evento de-

portivo celebrando antes Aña di La Reina, cual e aña pasa a bira,
Dia di Rey Willem Alexander.
Diadomingo 26 di april, Aruba Amateur Weightlifting Association
lo ta organisando nan di tres competencia di hisamento di peso cu
ta Torneo Dia di Rey. E competencia lo ta bay tuma lugar den e cas di
pesas esta Compleho Deportivo Frans Figaroa na Noord.

Notable ta cu e atletanan di pesas ta den pleno preparacion p’e evento aki. E
pisamento di atleta lo ta 9or di mainta, mientras e competencia ta programa pa cuminsa 11or
di mainta te cu 2or di atardi. Atletanan manera Joel Kuiperi y Jennifer Piter lo forma parti di e
competencia aki como parti di nan compromiso internacional cu lo tuma lugar den luna di mei
y juli. E hoben Kuiperi lo competi na comienso di mei n’e Junior Panamericano di Pesas na Co-

lombia, mientras cu Jennifer Piter lo competi den luna di juli na Weganan Panamericano di
Toronto, Canada.

Mas cu claro lo tin e otro atletanan di pesas como tambe esnan di Crossfit Aruba, kendenan
tambe lo forma parti di e competencia celebrando asina Dia di Rey. Un danki sigur na
Lotto, e Loteria di Aruba pa medio di Comision di Subsidio cu a subsidia
e federacionnan, cu ta organisa eventonan deportivo en
conexion cu e celebracion riba Dia di Rey.