Page 132 - SAIL ARUBA 2015 & Royal Visit

Pintor Nouel ta ofrece exposicion di 'Arte inspira pa nos Reino'
na Aruba, durante SAIL

Sunday, 08 March 2015 12:24

Pa mas cu diez aña Gustave Nouel (www.gustavenouel.com) a traha caba riba un serie titula 'Vorsten van
Oranje' (http://youtu.be/gQ3wgIfgvAQ ).
E arte aki ta parce un tiki controversial. Tin hende cu ta gusta e pinturanan masha hopi y otro no cu tin
nada cu nan. En realidad e arte aki ta 'studie' di portret inspira pa Cas di Oranje, un investigacion
artistico vincula cu nos identidad comun den nos Reino.
Na Hulanda, relaciona cu celebracion di 200 aña di nos Reino, algun pintura di Nouel ta colga, hunto cu
arte di 50 otro artista profesional, como parti di un exposicion nacional di e Oranjecollectief, te cu 23 di
augustus 2015, den Museo 'Oud Soest'. Exposicionnan inspira pa nos Reino, cu Nouel ta participante
aden, ultimo añanan a ser exponi rond Hulanda, na galeria, centro cultural, biblioteca, kasteel y stadhuis
te museo y hasta Arubahuis (Kabinet di Ministro Plenipotenciario) na Den Haag.
Desde 2010 Gustave Nouel ta investiga si un exposicion inspira pa nos Reino tambe ta posibel na Aruba.
Te ainda no a logra. Ta curioso cu tin asina poco interes y apoyo real di autoridadnan na Aruba pa un
exposicion inspira pa nos Reino (cu transporte y aseguro regla y cubri desde hulanda), segun e pintor
Arubano conosi aki.
Gustave no unicamente a jega di ta artista di aña na Aruba, pero pa su arte hasta Nouel a ser reconosi na
'Paseo Herencia', entre e diez Arubiano mas conosi di tur tempo...
Na 2014 e pintor Nouel cu ta biba na Hulanda a bin Aruba y pa un posibel exposicion inspira pa nos
Reino, a hasi contacto cu sr. Siegfried Dumfries di DCA (Directie Cultuur), Museo Historico (FMA) y
Biblioteca Nacional (BNA). Un posibel exposicion durante SAIL a ser proponi. E exposicion e biaha aki si
tin apoyo moral di Kabinet di Gouverneur, di VNO (Representacion Hulanda), ATA, Academie Rietveld y
di diferente otro instituto y sponsor relevante, pasobra esaki lo pas bon den celebracion di nos Reino.
Nouel ta spera cu por fin, despues di casi cinco aña di lucha, lo por mustra un exposicion 'inspira pa nos
Reino' na Aruba. Eventualmente tambe riba 1, 2 y 3 di mei 2015, si esaki ta 'pas' durante SAIL y
celebracion di 200 aña di nos Reino na Aruba.

http://www.24ora.com/local-mainmenu-5/92616-pintor-nouel-ta-ofrece-exposicion-di-arte-inspira-
pa-nos-reino-na-aruba-durante-sail