Page 133 - SAIL ARUBA 2015 & Royal Visit

Rei i Reina ta bishitá dia di Rincon

Apr 1st, 2015
Boneiro

Kralendijk Boneiro – Riba invitashon di Gezaghèber di Boneiru, Edison Rijna, Su Mahestat Rei Willem-
Alexander i Su Mahestat Reina Máxima lo bishitá e selebrashon di dia di Rincon riba djaweps 30 di aprel.
Riba promé di mei Rei Willem-Alexander i Reina Máxima, riba invitashon di Gobernador di Aruba, Fredis
Refunjol, lo presensiá SAIL Aruba 2015. Tambe minister Plasterk, di Asuntunan Interno i Relashonnan
di Reino, lo ta presente na e eventonan aki.
Komo pareha patrosinadó di Oranje Fonds, Rei i Reina lo hasi uso di e oportunidat ku nan ta na Boneiru i
Aruba pa bishitá dos proyekto ku ta partisipá na e Programa di Oranje Fonds Oportunidat pa Hóbennan,
komo tambe un di e ganadónan di Appeltjes van Oranje di 2015.
30 aprel, Dia di Rincon,
Riba Dia di Rincon míles di bishitante di Boneiru i di otro partinan di mundu ta bishitá e bario mas bieu di
e isla, esta Rincon, pa selebrá un fiesta di kultura i tradishon. Rei Willem-Alexander i Reina Máxima
huntu ku Gezaghèber Rijna lo risibí un kaluroso bon biní dor di presidente di e komishon organisadó
Francisco Janga. Despues di un seremonia di hisa bandera, kaminda lo kanta Wilhelmus i Himno di
Boneiru, lo tin diskursonan, kanto i baile.
Despues di e parti ofisial Rei i Reina lo bishitá algun stènt kaminda nan lo purba vários kuminda i kos di
boka dushi tradishonal di Boneiru. Tambe nan lo bishitá museo ChiChi’ Tan, kaminda tin entre otro un
kolekshon di instrumènt tradishonal. Den oranan di atardi e Pareha Real lo presensiá un desfile di
tradishonnan i pañanan folklóriko i lo sera esaki ku un simadan, e fiesta di kosecha den forma di un
parada.
Oranje Fonds