Page 7 - bon-dia-aruba-20210614

A7
LOCAL Dialuna 14 Juni 2021

Pa oranan largo homber tabatin dama secuestra den cas

na Tanki Leendert

Diadomingo mainta autori-
dad a keda manda pa un cas
na Tanki Leendert unda un
homber lo tin un persona
den camber cera cu arma
blanco. Esaki a pone cu e
patruyanan cu a presenta di
biaha a solicita pa team spe-
cial acudi na e sitio. Segun e
homber desesperacion cu su
permiso no a keda cla a pone
cu el a secuestra e persona
den e cas. A negosha basta
rato cune cu e team special.
Negosacionnan a dura basta
cu varios departamenton-
an, pa asina tur hende por
sali sano y salvo y a logra di
libera tur hende sano y salvo.
E dama despues cu a keda
libera a keda atendi pa per-
sonal di ambulance. Polis a
logra di detene e homber y a
keda deteni hiba warda.

20 caso activo di Covid-19 ayera na Aruba

Segun resumen diario di
Departamento di Salub-
ridad Publico DVG riba e
desaroyo di pandemia di
Covid-19 na Aruba, ayera
tabatin 20 caso activo.

DVG a informa cu ayera dos
persona a recupera mientras
cu a registra un total di cu-
atro caso nobo di Covid-19,
e malesa causa pa e virus
SARS-CoV-2, di cual tur ta
residente. Cu esaki, e canti-
dad di caso activo a keda na
20. E cantidad di fayecido
relaciona cu e malesa no a
conoce aumento y a keda na
107.

E cantidad total di testnan
ehecuta ayera na e diferente
localidadnan na Aruba, entre
otro laboratorio di hospital,
laboratorionan priva y aero-
puerto ta 327 test. Tasa di
positividad (‘Positivity rate’)
entre nos residentenan ta
13%.

Mientras tanto, e cantidad
di persona vacuna ta 65.902,
loke ta representa un prome-
dio di 67% di nos poblacion
di 18 aña bay ariba.