Page 6 - KPA 24 MAART 2016
P. 6
Dama benta abao cu hincha na su cara kehando di dolor na un adres na Moko a fayece un rato despues
na hospital
1 DIA PASA , 23 DI MAART 2016 04:08
SECCION: INCIDENTE
Diaranzon madruga a drenta informe di cu tin un dama lo a bira malo na un adres na Moko, mesora a
dirigi tanto polis como ambulans na e sitio. Na yegada di e patruya a bin nota e dama B.B. di 74 aña cu
tabata tin un hincha basta grandi den cara y tabata benta riba vloer basta malo. Na yegada di e
ambulans nan a atende e victima y a transporte cu urgencia pa hospital. Un rato despues a drenta
informe di cu e dama Beatrice Maria Boekhoudt naci na Aruba 22 di augustus 1942 a fayece a
consecuencia di hopi sla fuerte den cara como tambe na cabez. Fiscal mesora a confisca e curpa pa mas
investigacion, mientras recherche como tambe e investigadornan technico di polis tambe a bay na e
sitio. Den e cas a haya botter di rum como tambe un mesa di glas kibra ademas polis a detene un
sobrino di e señora cual tabata tin un machete den su man y a confisca esaki tambe pa mas
investigacion. Na famianan di e fayecida ta bay nos mas sincero palabranan di condolencia.
Shortened link: http://awe24.com/24386
