Page 8 - KPA 24 MAART 2016

Inspector Andrew Hoo Mas tanto muchanan hoben ta
horta turista

Wednesday, 23 March 2016 19:59
Tweet

Comparti

Pa nos keda den e area aki, por mira tin cierto grupo di hoben ta causando un problema serio den e area
aki. Polis ta haciendo un tremendo trabao, y ta bisto cu nan ta visibel practicamente tur caminda, pero
toch e hendenan aki ta bay cu polis no ta bay pa haci nan cosnan.

Andrew Hoo, inspector di Polis, a comenta cu a ripara cu esaki tambe ta e situacion. Personanan cu ta
haci nan maldad, ta muchanan hopi jong. Nan edad ta varia entre 11 te cu 16 aña. Tin masha poco hende
grandi of adulto ta comete e actonan cu polis ta maak mee. E hortamento di tas di turista, hortamento for
di bao di palabra, hortamento di celular for di turista, hopi di esey ta wordo haci pa muchanan hopi jong.
Muchanan local cu ta biba den cercania. Nan ta crusa caminda cu nan bicicleta y ta comete nan actonan.
Aunke cu tin hopi polis riba pia, nan a yega asina leu cu nan no tin cu nes. Ta djis comete nan actonan den
pleno dia, pasobra nan sa door cu nan ta menor di edad, ley tin biaha no ta cay dje pisa riba nan y e
procedura ta otro. Ta kere cu nan lo sa esey y nan a perde cuero di cara. Nan ta comete nan acto, nan no ta
worry ken wak nan. Mayoria biaha ta e mesun muchanan ta haci cada bes. Hotelnan ta atento pa e
movecionnan aki. Polis tin bon laso cu tur security director y GM di e hotelnan, cual ta comunica
directamente cu nan. Manera cu tin informacion, ta relay door na nan y vice versa. Manera cu nan tin algo
sospechoso riba nan tereno, nan ta meld di biaha. Tin comunicacion special cu tin cera cu nan y e
canalnan ta hopi habri. Una bes cu e tin e muchanan na warda, ta tuma contacto cu e mayornan y ta pasa
e caso pa JZP. Mayoria biaha nan ta tuma e caso over y ta sigui cu e investigacion. Hopi biaha a maak mee
e mayornan cu ta bin warda y e subfiscal tin e chens e ora pa papia cu e mayornan y nan atencion ta
wordo yama debidamente. Lastimamente ta dificil pa bisa, pero e ta mustra cu no tin su efecto, pasobra e
muchanan aki ta keda cay cera y nada no ta wordo haci. Esaki ta bira e parti social tambe. Tin cu bay hopi
mas leu no solamente na scol, pero na cas, e sistema di bida, e ta hopi complica. Y logicamente na final,
polis ta e liña final cu ta vang op ora e bira un problema di husticia. Sa pasa cu ta maak mee hendenan di
diferente nacion, entre otro Venezolano, pero no por generalisa. E sa pasa cu nan ta comete nan actonan
tambe y ta horta otro turista. Nan ta bin como turista y ta horta otro turista. Tambe a maak mee otro
nacionalidadnan tambe. Tin Mericano cu ta haci mesun cos. Hoo a sigui splica cu tin un plan poni pa
basta tempo caba pa hisa e visibilidad di polis den cierto areanan. Ta bay tin momento cu constantemente
ta wak polis den un area. Ta spera cu esey tin su efecto cu lo por tin un schrik effect cu por baha e
fenomeno di e tasjesroof of atraconan asina cu ta sosode. Hoo a comenta cu ta combersa cu e hobennan
aki na principio pero mirando cu nan ta menor, nan ta cay bao di JZP. Ora cu combersa cu nan, nan ta
gewoon duna un cara duro y nan no ta duna un bon splicacion. Nan ta hisa nan schouder den laira y ta
gewoon bisa cu nan a haya un chens pa haci’e y nan a haci’e. Un contesta concreto no ta haya, pasobra
necesidad nan no tin. E ta straño, Hoo a splica. E muchanan aki tin mente riba nan mes, el a bisa por
ultimo.

http://www.24ora.com/policial-mainmenu-8/106786-inspector-andrew-hoo-mas-tanto-muchanan-
hoben-ta-horta-turista