Page 5 - awem

AWEMainta Diaranson, 03 Februari 2016 5

website. E criterionan pa aplicacion cu lo wordo uza ta
basa rib’e terenonan cultural di prioridad, criterionan
existente re-evalua, Framework “Cultural domains” di
UNESCO, Trendnan internacional y maneho general
di pais Aruba.

Imagen nobo
Pa UNOCA un imagen fuerte y reconoci ta duna un
sentimento di confiansa na tur e stakeholders den e
sector di arte y cultura. Locual tambe ta importante pa
UNOCA ta un imagen cu ta refleha e vision di UNOCA
y cu ta alcansa e grupo di meta.UNOCA a haci un
investigacion di e. o. e percepcion di nos comunidad
pa cu UNOCA, e reconocemento di su imagen y e
alcanse di UNOCA den nos comunidad.Despues di a
analisa e resultadonan di e investigacion rib’e imagen
di UNOCA, a conclui cu ta necesario pa rediseña cierto
di e elementonan di e imagen di e fundacion.
Un di e puntonan clave na comienso di e proceso
di rediseño tabata pa no perde nunca e fundeshi
estableci den e ultimo 29 añanan, pero na mes un
momento defini y establece un base di identidad
efectivo y duradero.

Parti di e investigacion tambe a colecta informacion di
loke nos comunidad ta sinti cu UNOCA mester refleha
visualmente. Pasion y Calidad tabata dos termino cu
a resalta, como tambe un imagen mas moderno.
Durante e anochi aki, Sra. Nathaly Harms-Ellis y e
team completo di UNOCA a presenta cu emocion y
entusiasmo e imagen y logo nobo di UNOCA na tur
presente. E anochi a conta cu un speech apasiona
di Digna Lacle, presentacion di Rosabelle Ellis y
exhibicion di Jess Wolff, Danilo Geerman, Frank
Croes, Irene Peterson, Rudyomar Leysner y Mo
Mohammed.

Pa mas informacion riba desaroyo di nos fondo
cultural bishita e pagina di Facebook di UNOCA of
nan website www.unocaruba.org.