Page 8 - awem
P. 8
8 AWEMainta Diaranson, 03 Februari 2016
Fraccion di AVP a
entrega amienda
pa mas fondo pa
husticia
“DURANTE tratamento di Presupuesto 2016, fraccion
di AVP a entrega un amienda pa e fondo di criminalidad
wordo poni disponibel pa Ministerio di Husticia p’asina
por inverti den campañanan di conscientisacion riba
violencia domestico y maltrato y negligencia di nos
muchanan y nos grandinan”, segun Clarisca Velasquez.
“Tambe pa por tin mas fondo pa por inverti den Polis
di Bario pa por brinda mas seguridad pa nos barionan.
Tambe pa tin fondo pa cuminsa un proyecto pa duna
hobennan cu ta cay na caminda den criminalidad pa
por yuda nan sali di e circulo vicioso aki pa resocialisa y
drenta bek den comunidad. Minister di Husticia a boga
pa mas fondo y awo e ta hay’e pa medio di e amienda aki
di fraccion di AVP”, e Parlamentario a duna di conoce.
“Ora mester contribui pa husticia den Parlamento
semper fraccion di AVP a aproba leynan p’asina por
combati y preveni criminalidad. No manera MEP cu
semper ta critica pero nan no t’ey pa vota pa leynan
p’asina por preveni y combati criminalidad, y nunca ta
duna contribucion di e forma aki manera fraccion di
AVP ta haci. Aki nos ta duna un grafico di e amienda
cu fraccion di AVP a entrega p’asina husticia por haya
mas fondo pa Minister di Husticia por sigui inverti den
seguridad di nos pueblo”, Clarisca Velasquez a termina
bisando.
