Page 15 - AWEMAINTA19AUG

AWEMainta Diasabra, 19 Augustus 2017 15

Andin Bikker a

desenmascara

maneho desastroso

di Minister Dowers

Durante debate di Camara di Comercio

E tema di combatimento di criminalidad tabata un di
e topiconan trata durante di dos debate organisa pa
Camara di Comercio. Durante e debate a tuma nota
cu Minister sr. Arthur Dowers a keda hopi corto y
vago rib’e tema di combati criminalidad.

Den e parti aki Andin Bikker di partido PORa bin
fuerte dilanti cu e Plan di POR pa gobernacion “Vision
17-21” den su man, mustrando Minister Dowers cu
den 8 aña Minister no tabatin un plan y vision con
pa proteha e pueblo contra criminalidad.

Andin Bikker a mustra cu pais Aruba conoce mas
criminalidad cu p. e. gemeente Rotterdam cu tin como
625 mil habitante. Hecho ta cu den ultimo ocho aña
Aruba a conoce un ausencia di un plan y no a conoce
ningun mehoracion pa loke ta trata solucionnan efec-
tivo pa trata combatimento di criminalidad.

Bikker a mustra cu durante di a consulta cu pueblo
p’e programa di gobernacion a resalta cu Pueblo
ta pone na prome luga e tema di combatimento di
criminalidad,debi cu pueblo ta sinti su mes hopi in-
sigur den nan cas y cu actualmente no tin un solucion
pa esaki.
Conforme e programa di partido POR, Vision 17-21,
e. o. lo bay ekipa Cuerpo Policial cu tecnologia, lo bay
proteha nos fronteranan, lo duna atencion na proble-
manan social y lo duna subsidio na esnan cu no por
yega na un alarma.

Andin Bikker a mustra cu durante ocho aña den Par-
lamento, el a puntra varios biaha unda e plan di sr.
Dowers ta pa combati criminalidad. A tarda te cu un
par di siman pasa pa Minister di Husticia Dowerspre-
senta un plan, den opinion di Bikker “5 pa 12”.
E Minister di Husticia sr. Arthur Dowers a haya dos
oportunidad den gobernacion pa restaura siguridad
riba pais Aruba. Partido AVP a bay campaña na 2009
bisando cu lorestaura siguridad, pero nan no a logra.
Cuanto oportunidad mas Minister Dowers kier pa
logra restaura siguridad?

Bikker a remarca cu Partido POR si lo ekipa Cuerpo
Policial cu miho tecnologia y ekiponan cu awo nan
falta, no manera Minister Dowers cu un pardi dia pasa
hasta por a mir’e ta tuma bullet proof vest como regalo.