Page 28 - ARUBA BANK 19 OCT,2015

Banconan sa precies ki ora mashinnan pa lanta placa ta
wordo uza y pakico

Publication: Monday, 19 October 2015. Categoria: General

ORANJESTAD (AAN): Ta wordo menciona
cu mashinnan ta wordo kita for di clientenan di banco. Esaki despues cu nan a haya nota di
advertencia for di nan banco. Si ripara cu e tendencia ta sigui cu e mashin di swipe ta wordo uza
manera un ATM, e mashinnan ta wordo retira.

E banconan e ora ey ta comunica cu otro ken e cliente ta, na cua negoshi e tabata y ken ta e
doñonan. Asina ya caba pa preveni cu e doñonan a kita bay na otro banco pa habri otro cuenta y
haya otro mashin pa nan por sigui haci e mesun tipo di transaccionnan.

Hopi biaha ta evidente kico e cliente mes ta haci. Nan sa ki ora e mashin ta wordo uza pa lanta
cierto placanan pa Venezolano haya dollar. Pierre Rafini, presidente di Asociacion di Banconan
durante entrevista a splica mas riba e situacion di raspa tarheta.

Hopi biaha e advertencia ta bay. Ta yama e clientenan aden. Cada banco tin su proceso diferente,
pero mayoria ta yama e cliente y ta hiba un conversacion cu e cliente pa haya sa un tiki mas en
detaye pakico e cliente ta haci’e. Kico ta e handeling prome cu tuma e accion pa retira e mashin.

Hopi biaha e ta hopi evidente kico e cliente mes ta haci y como banco tin e experticio caba den
detecta ki ora e mashin ta wordo uza pa e proposito cu el a wordo duna pe y ki ora e ta wordo
uza pa, yuda e Venezolanonan pa haya dollar.

E mashin ta pa yuda procesa pagonan legitimo pa compra di producto of servicio. Si por ehempel
ta bay supermarket, ta cumpra comestibel, a paga y a bay cu nan of a bay come na un restaurant,
a bestel cuminda, a laga tip, a paga cu credit card y a haya recibo y a bay.

Na momento cu e mashin ta wordo uza pa swipe y tin cu bin bek pa su mañan y ta detecta cu e
cliente ta bin e siguiente dia ya caba y bin lanta e placa of laga un parti substancial di placa,
vooral na dollar, esey ya caba ta un red flag cu e persona aki ta vincula den e tipo di
maniobranan aki, segun Rafini.

Nan mes a kita hopi mashin como banco. E cantidad a bira substancialmente menos, segun
Rafini. Otro banconan tambe a haci esaki. Y a ripara cu esaki a cuminza disminui. Sin embargo
ta keda tende di transnan cu ta pafo di e control di banco.

Awor e cantidad di mashin y uzo pa lanta placa a baha. Pierre Rafini como presidente di
Banconan durante entrevista a splica cu awor a tuma nota cu e Venezolanonan ta cumprando e
mercancia y ta bende esaki bek pafo di e tienda. Manera nan ta bay na un wholesaler.