Page 31 - ARUBA BANK 19 OCT,2015
P. 31
No mag di uza mashin di swipe pa lanta placa
Publication: Monday, 19 October 2015. Categoria: General
Pierre Rafini:
ORANJESTAD (AAN): E reglanan ta hopi
cla ora un hende bin busca un mashin di swipe pa su negoshi. E trahador di banco, cu t duna e
mashin ta repasa e contracto cu e comerciante, bisan an kico por y kico no por y Semper ta referi
bek na e cliente pa si tin cualkier cos cu tin duda riba dje ta importante pa yama banco pa haya
mas informacion.
Loke wordo bisa duidelijk for di un comienso y e clientenan ta wordo adverti cu e mashin tin un
meta specifico. Un di e cosnan cu no a wordo tolera y algo cu no mag di uza e mashin pa lanta
placa of den forma di ATM.
Una bes cu e cliente lanta na dollar, e settlement ta tuma lugar ta bin bek na dollar. Nan ta haya e
placa acredita riba cuenta di e banco local y placa ta bin en efectivo, segun Pierre Rafini. E banco
por core un riesgo si su cliente yuda Venezolano pa haci tipo di transaccionnan asina y despues
bin charge back.
Esey ta ora cu e cliente bay bek cu e Carchi y despues e ta bay bek su banco ora e yega e pais y
ta claim cu e no a haci e transaccion. Aki e banconan ta comunica cu otro, caminda cu e cliente
por haya su placa bek pasobra e ta bisa cu e no a uza e Carchi. Mientras tanto e cliente ta haya
bek e placa door cu e placa ta wordo debita for di riba cuenta di e cliente.
Hopi ta bin cu credit card di hende pa asina raspa e tarheta di otro familiar y asina bo ta haya e
situacion di chargeback. E comerciante mester bay mustra e documentonan y mustra claramente
cu a swipe legalmente pa e cliente.
E Mercado cu ta swipe pa Venezolano ta hopi grandi. Nan ta mir’e den tur tipo di negoshi cu ta
ofrece nan mes pa yuda e tipo di cliente. Tin cliente cu ta draai abou den benta y diripente ta
draai asina halto door di transaccion pa yuda e hendenan yega na e dollarnan.
E ta un riesgo pa banco y e cliente di banco cu ta haci e cosnan aki. Mañan bo haya bo mes
culpabel banco ta comunica cu otro y bo no ta haya mashin mas pa swipe.
Tin comerciantenan cu ta envolvi den e negoshi di swipe, segun Rafini. Minimarkets,
supermarkets, tiendanan di bende paña, joyeria, tiendanan di souvenir, por menciona hopi. Por
wak’e den tur tipo di negoshi cu ta ofrece nan mes pa yuda e tipo di clientenan aki. Asina nan
tambe ta gana nan comision on the side, Rafini a splica.
