Page 32 - ARUBA BANK 19 OCT,2015

Tin basta placa ta draai den e mercado aki. Tin ora clientenan den e miho luna den aña pasa nan
a draai un cierto cantidad y den un september cu ta low season, den un siman nan a draai mas
placa cu nan a draai den e miho luna etc.

Tin diferente manera con banconan ta ripara y ta midi ki ora e transaccionnan aki ta
transaccionnan legitimo. Esaki sigur no ta solamente un riesgo pa e banco, pero pa e negoshante
tambe. Ta bon pa conscientisa e clientenan cu una bes cu haci bo mes disponibel pa tipo di
handelingnan aki, tin su riesgonan.

E riesgo ta cu mañan bo ta haya un chargeback, bo cuenta ta wordo debita, bo ta bay para den
cora y si bo no tin manera di paga, banco lo busca su recursonan pa cobra como cliente.

E otro riesgo ta tambe cu si mañan bo wordo haya culpabel di ta haci tipo di accionnan aki,
banconan ta comunica cu otro, bo mashin ta wordo kita y na ningun otro banco bo lo por haya un
mashin mas.

Bo lo por bay keda cu bo negoshi, of hasta cu bo cuenta, pero transaccionnan mester wordo haci
na cash e ora ey por lo pronto pa acepta pagonan via sistemanan automatico, Rafini a finalisa.

http://www.diario.aw/2015/10/no-mag-di-uza-mashin-di-swipe-pa-lanta-placa/