Page 17 - AWEMAINTA

AWEMainta Diaranson, 18 October 2017 17

Aruba cu bon resultado obteni den competencia di

boto miniatura durante di Bonaire Regatta 2017

RECIENTEMENTE un delegacion den e deporte di
botonan miniatura a competi den e 50 edicion di e Bonaire
Regatta. Mester bisa cu despues di un ausencia di 6 aña,
Stichting Aruba Minature Sailingboat a bolbe participa n’e
competencia cu su botonan miniatura.
Aunke e condicionnan di tempo no tabata esunnan mas
faborabel unda no tabatin mucho biento asina mes Aruba
su botonan a logra bolbe cu 4 trofeo cas bek.

Den e Categoria 30 Inch, Jeandrick Albertus cu su boto
ARMY a logra conkista un di 2 lugar mientras cu Aymerick
Albertus cu su boto MOLESTER a keda na un di 3 lugar.
Den e Categoria 35 Inch, Aruba a sa na bay cu number e
titulo di campeon y sub-campeon ora cu Raji Lamper cu su
boto Big Star a titula como e campeon maximo di e compe-
tencia, mientras cu Jacinto Martis cu su boto Piet Blo Blo
a keda na un di 2 lugar.
Na banda di e premionan conkista tin varios otro boto a
logra cay den e top 5 den nan respectivo categoria manera
Isis, Fofoti y Driftwood.

E deporte di boto miniatura semper tabata popular durante
di nos celebracionnan fesitivo y cultural manera Dia di
Betico, Himno y Bandera como tambe Dia di Rey. E lama
dilanti Cas di Gobernador na Playa tabata e cas di e deporte
aki unda e caredanan di boto miniatura tabata wordo teni.
Un danki sigur na Lotto, e Loteria di Aruba pa medio di
Comision di Subsidio cu a yuda subsidia e biahe di e del-
egacion di Aruba p’e competencia di boto miniatura den e
Bonaire Regatta 2017.