Page 23 - Extra 5 dec,2015

24 Djasabra 5 Desèmber 2015

Sòru pa sangura
no pikabo

Hopi hende ta wak sangura komo djis un molèster, pero realidat
ta ku sangura ta peligroso pasó e ta responsabel pa un lista largu di
infekshon. E infekshonnan por varia fo’i algu paresido na grip te ku
kondishonnan di salú ku por dura bida largu òf asta kousa morto.

Atraves di añanan nos a siña ku no por kombatí sangura
simplemente ku flitmentu.

Uso pa loko di insektisida a krea na promé lugá resistensia serka
sangura. Den otro palabra ménos i ménos sangura ta muri ora pasa
flit awendia. Na di dos lugá uso di insektisida rònt den naturalesa
no ta mata sangura so, pero ta eliminá insektonan ku ta nesesario
den nos ekosistema manera abeha, barbulètè, yeye, bakatòr i mas.

Pa e motibunan aki prevenshon ta keda e arma di mas importante
ku nos tin kontra di sangura. Nos mester prevení nan di brui, i nos
mester evitá di tur sorto di manera ku nan ta pika nos. E dokumento
aki ta konsentrá riba kon pa evitá pa sangura pika nos.

Tip # 1

KOS KU MESTER HASI TUR SIMAN
Rekohé tur artefakto òf opheto ku por
kontené awa. Por laba esakinan i pasa
bròsh, skeiru of spòns pa kita tur
webu di sangura.

PAKIKO E SANGURA TA PIKABO

E sangura muhé ta esun ku ta pikabo pasó e mester di sanger pa
e produsí su webunan. E sangura mester di nos pa keda multipliká
su mes.

TIP # 2

KOS KU MESTER HASI TUR SIMAN
Chèk tur e skòternan bou di e
pòchinan di mata pa bichi di sangura.

KIKO POR PASA ORA E SANGURA PIKABO

Si un sangura infektá ku vírùs pika bo, e ta pasa e vírùs pa bo i
despues abo ta bira malu.

Ora ku ya bo tin e malesa i un sangura pikabo esaki ta tuma e
virus serka bo pa despues e ta sigui pas’é pa otro hende i asina
plama e malesa.

Evitá ku sangura ta pikabo ounke bo a yega di haña dengue òf
chikungunya kaba! Si e sangura no yega serka bo e NO por hasibo
malu. Tin diferente manera di stroba e sangura di yega serka.

TIP # 3

KOS KU MESTER HASI TUR SIMAN
Kambia awa den vas òf pòchi tur siman
i tambe pasa skeiru, bròsh òf spòns
kita e punta pretunan ku ta webu di
sangura, basha Abate® den awa.

TIP # 4

KOS KU MESTER HASI TUR SIMAN
Chèk bo renbak.

PAÑA

Usa paña ku ta tapa tur parti di bo kurpa ora e sangura ta mas
aktivo (ora solo ta saliendo i bahando). Bisti kamisa ku manga i
karson largu. Usa paña di koló kla, pasó paña koló skur ta atraé e
sangura.

TIP # 5

KOS KU MESTER HASI TUR SIMAN
Chèk barí i drùms di awa, tapa nan
bon pa evitá ku sangura ta pone webu
den nan. Por tira Abate® den awa.