Page 24 - Extra 5 dec,2015

Djasabra 5 Desèmber 2015 25

Sòru pa sangura

no pikabo

Repelente

Uso di repelente ta e mihó manera di protehá abo i bo famia kontra
di piká di sangura.

Kòrda hunta tur parti di kurpa ku ta eksponé. Si bo ta usa produkto
kontra di solo, mester hunta esaki promé i na di dos lugá e repelente.

Importante: Skohe un repelente ku ta kontené e ingrediente aktivo:
DEET. Por usa tambe repelente ku ta kontené un di e siguiente
ingredientenan aktivo: Picaridin, Oil of lemon eucalyptus òf IR3535.
Tin diferente marka riba merkado ku ta kontené un di esakinan. Lesa
e emboltura pa bo sa kiko bo ta kumpra.

Mas haltu e porsentahe di e ingrediente aktivo, mas largu e
protekshon,. Ta rekomendabel pa usa un repelente ku entre 20% i 25%
di DEET, e protekshon di esaki por dura entre 6 i 8 ora. No ta nesesario
pa usa un repelente ku porsentahe mas haltu ku es menshoná ya ku
esaki no ta duna èkstra protekshon. Skohe mas bien un repelente ku
ta pas ku bo estilo di bida. Semper lo por bolbe hunta e repelente si
ripara ku e periodo di efektividat a pasa.

Repelente ta optenibel na supermerkado i botika.

TIP # 6

KOS KU MESTER HASI TUR SIMAN
Tira tur sushi na landfill Malpais.
No den nos naturalesa ni nos vianan públiko!
Kuida nos medio ambiente.

PREKOUSHON KU REPELENTE

Usa e repelente manera ta indiká riba e emboltura.
No spray dirèkt den kara. Spray den bo man i despues hunta kara.
No hunta banda di wowo i boka.
Spray bo kurpa i despues hunta e repelente pa tapa tur parti di bo
kurpa. Laba man despues di hunta e repelente.
Importante: Kòrda riba esnan ku pa motibu di kualke
deshabilidat no por protehá nan mes. Yuda ku huntamentu di e
repelente òf pone e persona bou di un mosketero.

TIP # 7

KOS KU MESTER HASI TUR SIMAN
Warda tur artefakto pará den kurá.
Manera tayer, drùms, barí, kosnan di
plèstik, koí hunga di mucha, slòf di
plèstik. Kòrda chèk het di bo dak.

BEIBI I MUCHA

No laga mucha hunga/mishi ku repelente. Spray e repelente den
bo man promé, i despues hunta e yu ku esaki. Pasó mucha ta gusta
pone man na wowo i boka, NO spray mannan di e yu.

Por usa repelente (ku DEET, Picaridin, IR3535) for di ora e beibi
tin 2 luna. Pero, repelente ku ta kontené Oil of lemon eucalyptus por
usa serka mucha fo’i 3 aña bai ariba.

TIP # 8

KOS KU MESTER HASI TUR DIA
Eliminá tur foko pa sangura brui rònt di bo!

HENDE MUHÉ NA ESTADO

Durante embaraso kualke malesa por tin konsekuensha ya sea
pa e mama òf e yu. Esaki tambe ta e kaso ku malesanan ku por
haña via piká di sangura. E muhé na estado mester hasi tur esfuerso
pa sangura no pik’é. Segun delaster informashon sientífiko por usa
kualke di e repelente nan ku den e dokumento aki ta rekomendá. No
tin niun prekoushon adishonal pa ku uso di repelente serka e muhé
na estado.

TENE SANGURA PAFÓ

Drumi bou di mosketero ta un manera efektivo pa evitá piká di
sangura. Uso di mosketero ta spesialmente importante pa beibi mas
yòn ku 2 luna ku no por hunta ku repelente ainda.