Page 29 - AWEM SEPT 29,2015
P. 29
AWEMainta Diamars, 29 September 2015 29
Koningin Wilhelmina DIASABRA Koningin Wilhelmina Fonds Aruba
Fonds a tene un
mainta inspirativo y a tene nan di dos charla den cuadro di e campaña
motivador di concientisacion ‘Ban Preveni Cancer Hunto’.
Diferente orador a bin na palabra unda a enfoca riba
e tres puntonan primordial pa preveni cancer: Come
saludabel, movecion regular y un peso saludabel.
Rene Wild a duna un presentacion hopi interesante
den cual el a motiva esnan presente pa cambia pa un
forma di bida mas saludabel enfocando riba salud
na tur edad.
Hoben of di edad, tur hende por cuminsa haci mas
movecion y come saludabel. T’e determinacion
mester ta presente.
Saskia Budel, kende ta un gewichtsconsulente, a
splica con pa haci e cambio pa un forma di come cu
lo beneficia nos salud.
Dr Sandy Roga, kende ta un chiropractor a splica kico
stress ta haci cu bo curpa. Stress por ponebo sinti
tur sorto di dolor y hasta aumenta di peso y p’esey
ta importante pa nos tur trata na hiba un bida mas
trankilo sin consumi cu otro hende. Bo salud ta na
prome lugar.
Solange Tchong, vocero di AZV y el a duna un
splicacion riba con e fondo aki ta hinca den otro y
kico tur nos ta haya di AZV.
P’e parti di pregunta sr. Reuben Tjon Sie Fat, kende
ta un medisch adviseur di AZV tabata presente
p’asina splica mas profundo con e sistema di AZV
ta funciona y contesta preguntanan specifico di e
publico presente.
Bojoura Cos Richards a tene un presentacion
riba tur e servicionan cu Koningin Wilhelmina
Fonds Aruba ta ofrece comunidad y en
particular e pacientenan di cancer y nan famia.
Por ultimo sra. Soila Vries a bin na palabra y den un
testimonio hopi profundo el a conta su experiencia
cu cancer y con el a sobrebibi esaki apesar cu tur
specialista a bis’e cu ta laat. Dokternan ta specialisa
y por yudabo cu nan experticio, pero e man di Dios
ta keda e factor determinante den e proceso di
recuperacion y sra Soila Vries t’e ehempel palpabel
di esaki unda cu apesar cu dokternan a diagnostik’e
cu un cancer maligno y cu lo por a lag’e den rolstoel,
su fe den Dios y cu e sosten di sernan keri, awe e ta
liber di cancer y canando rond. Dokternan mes a keda
sorprendi di su recuperacion.
Un storia cu a inspira y encurasha hopi di esnan
presente.
E proximo charla di Koningin Wilhelmina Fonds
Aruba lo ta diasabra dia 24 di october awor di 9or di
mainta te cu 12or di merdia.
Pa mas informacion por pasa na nos Centro di
Informacion na Spinozastraat 9 of yama durante
oranan di oficina na 582-0412. Pa mas informacion
por bai tambe na nos Facebook Koningin
Wilhelmina Fonds Aruba of nos website www.
koninginwilhelminafonds.com
