Page 34 - AWEM SEPT 29,2015

34 AWEMainta Diamars, 29 September 2015

Parke di Paradijswijk y DIAMARS dia 22 september ultimo Rotary Club di
Bushiri completamente
renoba dor di Rotary Aruba a organisa un ceremonia cortico n’e parkenan
Club di Aruba di recreo situa na Paradijswijk y Bushiri, despues cu e
parkenan a wordo completamente renoba.
Ambos parke di recreo a wordo traha dor di Rotary Club
di Aruba den pasado y ta un donacion n’e comunidad di
Aruba. Meta di e parkenan aki ta pa crea oportunidad
pa hoben y muchanan den barionan menciona tin un
centro pa haci recreacion sano.
Dor di uso constante durante añanan e parkenan aki
tabatin necesidad pa un renobacion grandi y Rotary
Club di Aruba a aloca fundonan necesario pa por a haci
a trabaonan aki.
N’e ocasion special aki, tabata presente famianan di e
bario di Paradijswijk y Bushiri, cu simbolicamente a
corta un sinta pa efectua e reapertura di e parkenan di
recreo.
Tambe tabata presente Presidente di Rotary Club di
Aruba, sr. Ravee Boolchand hunto cu miembronan di
Rotary Club di Aruba.
Rotary Club di Aruba ta felicita e habitantenan di e
barionan di Paradijswijk y Bushiri cu e bunita parkenan
di recreo y ta desea cu e hoben y muchanan di e bario
lo por haci uso optimal di e parkenan di recreo pa hopi
tempo. Tambe Rotary Club di Aruba kier a gradici
e comision encarga cu e renobacion aki y tambe e
contratista envolvi pa nan bon trabao.
Rotary Club di Aruba lo sigui contribui na proyectonan
na beneficio di comunidad di Aruba y ta spera di keda
ricibi e sosten di comunidad manera semper.