Page 6 - AWEM SEPT 29,2015

6 AWEMainta Diamars, 29 September 2015

Minister Mike de Meza:

Reapertura di refineria
como upgrader lo contribui cu
mas di 7% na nos GDP

Due Diligence lo cuminsa

E mandatario encarga cu e carteranan di energia y asuntonan economico, Minister Mike de Meza, a

manetene pa mas of menos un aña contacto cu e compania Mericano CITGO pa cu e rehabili-
tacion di un di pilarnan di economia cu pa casi 100 aña a contribui grandemente n’e GDP
di Aruba.
“E esfuersonan di Gobierno tabata continuo for di algun aña caba pa hunto cu Valero
yega n›e partner strategico pa reanuda e operacionnan di e refineria,” Minister de
Meza a bisa.
“E refineria tabata nifica un parti esencial di nos actividadnan economico. Un posible
reactivacion di e planta como upgrader pa heavy fuel oil lo nifica un crecemento
economico di un minimo di 7% p›e prome aña, segun calculonan preliminar”.

Cu e negociacionnan andando ta wak un oportunidad unico p›e refineria cu
tin algun aña cera wordo reactiva y despues di un sondeo preliminario di parti
di Aruba y di CITGO a firma un MoU entre Gobierno y e compania petrolero.
Ta papiando di un relacion di entre 20 pa 25 aña entre CITGO y Aruba y esaki ta
exigi trabao preliminario di tur dos banda y convenionan cu ta seya detayenan
pa sigura exito cu beneficionan mutuo.

Cu e firmamento di e MoU, e proceso di due diligence a inicia.
Esaki ta un investigacion hopi mas amplio y profundo
unda cu lo evalua e potencial comercial, tecnico y
economico di un participacion di CITGO.
“Basicamente esaki ta pues un diagnosis di tur
detaye di e situacion actual pa garantisa un bon
futuro,” Minister de Meza sigui splica.
Gobierno di Aruba, na su turno, tambe lo
drenta e fase di due diligence cu asistencia
di un comision di expertonan internacional
y local cu a wordo instala pa investiga un
posible reapertura di e refineria, como
tambe expertonan di e Directorado Gen-
eral di Relacionan Economico di Minis-
terio di Asuntonan Exterior di Hulanda.

Minister de Meza ta splica cu diferente
delegacion lo ta na Aruba di parti CITGO
y nan lo ta revisando e parti tecnico y
e parti economico di e refineria te den
detaye e simanan cu ta bin.
Nan lo ta haciendo calculacionnan
extenso cu lo resulta den cifranan di
margennan di ganashi den diferente
scenario realistico p›e situacion specifico
di e refineria na Aruba.
“E procesonan aki lo wordo haci den es-
trecho cooperacion cu Valero y Gobierno
di Aruba,” Minister de Meza a conclui.