Page 42 - Djasabra 26 mei 2018.pdf
P. 42
42 Djasabra 26 Mei 2018
Kontinuashon di pagina 4
Esfera na mesa di
Sitkom a haña indikando
ku no tin lugá mas pa nan
na e kompania. Un di e
retironan lo drenta na vigor
pa fin di e aña aki i e otro ta
pa 2020. A surgi un disputa
entre e sindikato i UTS riba
kiko leinan internashonal
di ILO ta stipulá, esta ku
no ta intenshon pa den
tipo di prosesonan di
retiro masal asina kita
tambe sindikalistanan for
di trabou pasobra e
trahadónan ta pèrdè nan
representashon. Gerensia
di UTS ta indiká sinembargo
ku tin ku separá trabou
sindikal for di e proseso
di reorganisashon. No
por t’asina ku ta tene un
trahadó na trabou ounke
ku su puesto a bira opsoleto
djis pasobra e ta den
direktiva di un sindikato i ta
kita otronan si for di trabou.
Sinembargo na mesa
di negoshashon a yega na
e punto ku e miembronan
sindikal aki no a pasa ainda
den e proseso di solisitut
pa un di e funshonnan
nobo na UTS òf un di e
kompanianan yu. Pues nan
tambe tin derecho riba e
oportunidat pa solisitá riba
e funshonnan nobo ku a
habri. Konsekuentemente
no tin desishon final ainda
tampoko riba retiro di e
miembronan di e sindikato.

