Page 10 - awe1807
P. 10
Dialuna18 di Juli 2022
COMUNIDAD
Ley nobo ta brinda proteccion
na cumpradonan di cas
Codigo Civil di Aruba nobo a wordo cambia drasticamente
E y a bini cu algun provisionnan obligatorio cu tal protege
e cumprado di un propiedad residencial aki na Aruba, basta
cu e no ta actua como individuo y no un como un profesional
(Real Estate Agency) of pa negoshi. Esaki Abogado Richie
Kock, specialista riba e tereno aki, ta splica den un articulo
hopi interesante cu el a publica.
E provisionnan nobo ta hinca den articulonan nobo: 7:2,
7:26 y 7:765-769 CCA. E provisionnan nobo aki ta encera
cu cualkier momento e ciudadano por cancela un acuerdo
di compra den tres dia di tempo.
Despues cu e acuerdo di compra finalisa, e bendedonan
mester entrega copia di e acuerdo na e cumprado. For
di momento cu ricibi esaki den su man, e cumprado por
cancela e acuerdo sin ningun motibo pero den tres dia di
tempo (articulo 7:2 paragraph 2 CCA).
Di e tres dianan menciona, solamente un dia por ta un
diasabra y diadomingo ta wordo conta como un dia oficial
liber. Por ehempel, si e acuerdo di compra wordo ricibi
door di e cumprado riba un diasabra, e ora e cumprado
tin te diamars prome cu 12’or AM pa cancela e acuerdo. E
cancelacion mester yega cerca e bendedor den e periodo
menciona (articulo 3:37 CCA).
E cumprado por cancela e acuerdo di compra solamente un
biaha, si e di dos acuerdo di compra di e mesun propiedad
finalisa den 6 luna despues di e prome acuerdo (articulo
7:2 paragraph 5 CCA).
Mas ainda, e cumprado no por cancela si e propiedad
residencial wordo cumpra durante un findishi (articulo 7:2
paragraph 5 CCA).
No ta permiti avancenan riba e prijs di compra
E bendedo no por exigi di e cumprado pa duna un adelanto
riba e prijs di compra. E cumprado solamente por wordo
exigi pa paga un deposito riba un escrow account di
Notario cu no ta mas cu 10% di e prijs di compra sigura e
cumplimento di su obligacionnan (articulo 7:26 paragraph
4 CCA).
Den un otro articulo den edicion di awe por lesa e di dos
parti di e publicacion di Abogado mr. Richie Kock.
10
