Page 8 - awe1807

Dialuna18 di Juli 2022

SUCESO
Dos detencion despues

cu a los tiro den Sabana

iasabra den careda di 6 or di mainta, un Nissan March a
Dpasa los tiro riba un cas na Sabana Basora. Polis mesora
a dirigi su mes pa Sabana Basora y mientras nan tabata
pendiente buscando e auto cu a los e tironan, un patruya di
polis a bin topa cu e auto riba caminda y aki a cuminsa un
persecucion.
Mesora polis a sigui e Nissan March preto. E dos ocupantenan
na dado momento a sinti cu polis lo bay cera nan y no por
huy mas pa e patruya di polis. E chauffeur di e March a para
e auto riba veld Unistars na Pos Chikito y sali na careda. Aki
nan a split, un a drenta mondi y e otro lo a bay direccion
pazuid direccion di e casnan, unda el a bula den cura di un
cas.
Varios patruya di polis di diferente districto a bay reforsa nan
coleganan na Pos Chikito. Aki a inicia un buskeda cortico, y
polis durante e buskeda a los un tiro di advertencia y hopi lihe
a logra detene e prome y un rato despues nan a detene e otro
sospechoso. Ambos a wordo transporta cu transportwagen
di polis pa Warda di polis na San Nicolas. Den un cura di cas
no mucho leu di e cas menciona, polis a bin topa cu e arma.
Esaki mesora a wordo confisca. Departamento tecnico di
polis tambe a wordo pidi na e sitio.
E Nissan March tambe a keda confisca pa mas investigacion.
Segun por a compronde, ta sospecha cu no ta prome biaha
cu e duo aki ta pasa los tiro den bisindario di Sabana. Por lo
menos na dos ocasion, habitantenan a bati alarma, pero nan
ta logra scapa, pero e biaha’ki nan number a hunga.

8