Page 35 - AWEMAINTA
P. 35
Diahuebs, 22 Maart 2018 AWEMainta 35
Pronostico di tempo
Pronostico di tempo
valido pa awe diahuebs
22 di maart
Tempo lo ta levemente te parcialmente nubla y generalmente seco. Den marduga tempo lo ta levemente te parcial-
mente nubla, cu chens pa un awacero pasahero.
Temperatura maximo lo ta na 32 grado celsius y temperatura minimo lo ta na 26 grado celsius.
Biento lo ta modera te basta fuerte for di direccion oost, cu forsa di 4 te 5 (20 te 39 km/ora, 11 te 21 nudo). Den
dia biento lo ta fuerte te duro den rafaga y cu forsa di 6 te 7 (40 te 61 km/ora, 22 te 33 nudo).
Situacion general di tempo:
Durante e proximo 24 ora, extencion di un area di precion halto riba atlantico lo mantene condicionan general-
mente seco den region local. Sinembargo, den oranan di marduga y mainta lo tin un incremento temporal di nubia
cu por produci un awacero pasahero.
Mas aleu, stof fini suspendi den aire lo stroba visibilidad un poco den e proximo dianan.
Condicion di laman:
Olanan di laman lo ta for di direccion oost cu un haltura di 5 te localmente 8 pia. E olanan di mas halto lo ta na
costanan oost, noord te noordwest di e isla. Ta sugeri ocupantenan di boto chikito pa procede cu cautela riba laman
habri.
Temperatura di superficie di laman: 26 grado celsius.
Fenomenonan special: ningun
Potencial di awacero pa proximo 24 ora: menos di 1 mm.
Registracion di temperatura (celsius) y awacero (mm) den ultimo 24 ora:
Airport: Max 31 / min 25 / 0.0.
Pronostico di tempo pa proximo dianan di siman:
Levemente te parcialmente nubla y generalmente seco. Biento lo ta for di direccion oost y modera te basta fuerte.
Den dia biento lo ta fuerte te duro den rafaga.
Temperatura max / min lo ta: 32/25.
