Page 7 - AWEMAINTA
P. 7
AWEMainta Diasabra, 4 November 2017 7
Aduana a gara pasahero
di barco crusero cu droga
ALGUN dia pasa riba un mainta durante un con-
trol rutinario riba pasaheronan cu a yega abordo di e
barconan crusero Monarch, Adventure of the Seas y
Nieuw Amsterdam, prome cu e main exit gate 3, un
oficial di Aduana a nota un pareha ta haci straño ora
nan a mira e cacho di droga.
E oficial Aduanero a mira e pareha bira bek bay di-
recion di un bari di sushi y e pasahero masculino a
saca algo di e saco di su carson y tira esaki den e bari.
Despues e pareha a cana direccion bek pa e exit gate 3.
Durante control riba e pareha, e cacho di droga a duna
un melding positivo. Dos oficial di Aduana a wanta
e pareha, mientras un otro Aduanero cu e cacho di
droga a bay controla den e bari sushi y a haya un sakito
cu yerbe parecido di marihuana y un sakito cu puiro
blanco parecido di cocaina. E pareha a wordo hiba den
oficina di Douane Recherche pa mas investigacion.
Durante control den un tas di man di e dama a haya
un pipa cu ta wordo usa pa huma marihuana. E pareha
a nenga cu nan a tira algo den e bari di sushi y cu nan
no ta usa droga. Nan a bisa cu nan ta abordo di e barco
Adventure of the Seas. Oficialnan di Departamento di
Aduana a pidi e pareha permiso pa controla den nan
camber y nan a bay di acuerdo. Canando cu e pareha
pa bay na e barco e pasahero masculino a admiti cu
el a tira e droga den e bari y den su camber e tin un
cantidad chikito di droga. Cu permiso di e Chief Secu-
rity Officer e camber di e pareha a wordo controla cu e
cacho anti droga. E cacho anti droga a duna un meld-
ing riba un kashi. Den e kashi a haya un kluis y den e
kluis a haya 2 sakito cu yerba parecido di marihuana y
un sakito cu puiro blanco parecido di cocaina. E puiro
blanco y e yerbe a wordo getest cu a sali positivo pa
cocaina y marihuana. Despues di a confisca e droga,
Departamento di Aduana a tuma contacto cu fiscal y
fiscal a duna e pareha aki un multa di USD 150,00. E
pareha a paga e multa y a wordo entrega bek na Chief
Security Officer. E Chief Security Officer a baha e
pareha for di e barco na Aruba.
