Page 88 - MIN.VOS ALEX MAY 8

E siman aki un grupo grandi di dama cu ta den espera di yiu of mester keda opera door di dokter Harold
Narain, no a bay positivo, pasobra AZV no por obliga hospital pa laga e dokter haci su trabou den sala di
operacion. Aki nos a papia cu Ruthlin Werleman kier su dokter Narain pa atende.
E ta sigui splica cu no a haya contesta loke nan kier a tende y a Sali cu sentimentonan hopi mixto. Awor
aki tin un pregunta basta grandi cu esey pa nan ta hopi jammer cu nan no tin caminda mas pa cana. Ya
cu AZV no a duna un contesta corecto, segun Werleman.
AZV a splica cu nan no ta doño di hospital y nan no por obliga hospital laga dokter Narain traha eyden.
Nan por cumpli cu e pashent, pero no por obliga e hospital. Mirando cu nan ta un fundacion, y a base di
esey nan a bisa cu nan no por haci nada y ta e director mes of e waarnemend director cu ta Ezzard Cilie,
kende ta unico cu por duna un contesta awor aki riba dokter Narain cu por drenta hospital.
Como pashent cu ta depende, tanto esun cu ta opera y esunnan cu ta wardando pa haya yiu, AZV no por
haci nada pasobra nan no tin nada di bisa tocante hospital. Ta e waarnemend directeur ta esun cu tin cu
duna e OK cu Narain por drenta, cual nada no ta pasando, door cu Narain no mag di drenta ni pa bishita
su pashentnan, ni pa opera. Mihor bisa, no mag di drenta e hospital por completo. Tin caso caba cu tin
pashent cu mester wordo opera door di Narain cu tin problemanan personal mes cu Narain no por haci
nada. Ta jammer pasobra nan ta pashentnan cu ta humano, nan mester wordo trata pa un ginecologo y
cu e sa e situacion di nan caso.
Hospital tampoco no ta dunando comentario y ta porta cera den e caso aki. AZV kier pa e pashentnan
cambia di dokter y nan ta wardando cu supuestamente ta bay tin ginecologo nobo na Aruba, cu ta
hospital mes ta dicidi ken ta wordo manda Aruba. Esey no ta e caso di e pashentnan, nan kier Narain,
nan no kier otro dokter, segun Werleman.
Pa awor aki no tin otro opcion. Awor nan ta obliga di bay cambia, segun Werleman.

http://masnoticia.com/reunion-entre-azv-y-pashentnan-di-dokter-narain-no-a-bay-positivo/

COLEGIO ARUBANO TA TITULA CAMPEON SOFTBALL ESCOLAR
2015.

For di luna di maart weganan di softbal organisa pa IbiSa a cuminsa riba diferente tereno. E torneo di
softbal tabata entre schoolnan di Enseñansa Avansa, pa mira cua ta e school cu lo bira campeon e aña
escolar aki.

Riba tereno di Flatstone Ballpark na Piedra Plat a tuma lugar diahuebs dia 30 di april, e final di softbal
escolar pa schoolnan di Enseñansa Avansa. E wega aki a bay entre e hobennan di Colegio Arubano y
Maria College. E wega tabata uno interesante, unda ambos school a cuminsa bataya fuerte contra otro
manteniendo e wega 1-1 te na e di dos inning. Cos a bolter completamente den e di tres inning ora cu