Page 84 - MIN.VOS ALEX MAY 8

nan lo verleng Narain su contract.
E ta haya erg ta cu e ginecologo ta wordo persigui. Pa Beyde, esaki ta mas personal. Ta erg pa e
pashentnan cu nan ta bira duppe di henter e situacion.
E ta relata cu tres siman pasa tabata tin un parti cu tabata tin mester di un ginecologo presente. A yama
otro dos ginecologo di otro praktijk y nan no a presenta. Ta e verpleegkundige a yuda e dama cu e parti,
cual no ta husto. Si hospital tin un guera cu e dokter, nan regla nan problema.
Pashent ta na prome lugar. Nos salubridad di cinco strea cu nan a priminti no ta asina. Tres siman pasa
esey no a wordo demostra. Sr. Ringeling a mustra cu e no tabata sa di e caso, dus e ta bay wak ora
pashentnan di dr. Narain yega hospital cu nan no wordo yuda. Como pashent esey ta e caso, ora yega
eerste hulp, e no a wordo yuda. Ningun ginecologo a presenta.
E pregunta ta keda ki caminda tin cu cana. Un director di hospital ni cuanto cu yama no ta haya
entrevista. E secretarianan ta keda baliabo. No mester di sinta cu Ringeling. Mester sinta cu sr. Cilie y no
ta hay’e pa papia. Ta bisa cu un investigacion ta andando. Tanten cu no ta culpabel tin cu haci e trabao y
e no por haci su trabao manera mester ta. Tin cu wak cu e pashentnan ta e duppe di nan persecucion of
whatever problema cu tin cune y no mester ta asina ey.
Beyde a comenta cu e ta hopi desapunta. E minister aki di salubridad, ta un specialista. Tur carta a bay
pa e minister aki y den ningun momento e no a contesta, ni ningun response. Si den Raad van Toezicht
di hospital e tin dos lid. Tur hende a haya carta, pero no a honranan cu contesta. Beyde a verwacht otro
pasobra e meneer aki ta un specialista. E sa precies ki e situacion di e hospital, pasobra e tabata traha
ey. Awe e ta un minister. Ningun response di dje. Beyde ta desapunta den dje pa esey.
Si diabierna un kortgeding lo bay tuma lugar. Awor tin cu warda e kortgeding cu tin, cu tin un contract cu
AZV. Dus e ta bay hiba hospital corte, pa e por fungi y cumpli cu su trabao kabalmente pa e cumpli cu su
luna, pendiente e investigacion di sr. Cilie. A wordo bisa mester di 5 ginecologo. Dr. Narain ta di 4
ginecologo y e tin 65 aña. Per 1 di Mei uno mester a bin, pero no a bin. E preocupacion di Beyde ta kico
ta na prome lugar. E pashent of e powerplay. Aki ta sinti cu tin un powerplay. Dicon e pashent tin cu bira
duppe di un problema cu nan no ta arte ni parte di dje. Si nan tin problema cu e dokter, nan regl’e cu e
dokter, pero lage sigui traha. Su praktijk tin cu sigui draai.

http://masnoticia.com/ophelia-beyde-si-hospital-tin-un-problema-cu-dr-narain-nan-regle-
internamente-y-no-perhudica-e-pashentnan/

Fraccion MEP a pone enfasis riba medidanan den salubridad
publico y deporte

Thursday, 07 May 2015 20:42
Comparti

Durante e tratamento di presupuesto di salubridad y nos grandinan fraccion MEP a pone enfasis riba
medidanan di salubridad publico, Imsan y deporte. Parlamentario Glenbert Croes a papia riba diferente
temanan di interes riba salubridad.

Parlamentario Croes a declara lo siguiente: “Esaki ta e momento pa nos tuma e decision pa San Nicolas y
tur distrito haya e HOSPITAL SAN NICOLAS. Pueblo ta sinti cu Gobierno ta cobrando Pueblo tur cos
dobbel. No solamente den recogemento di sushi, pero Pueblo ta pagando e aumento di prima AZV y e
Health Tax mientras cu ya for di e placa di belasting ya nos tabata paga tur e servicionan médico aki.
Awor Gobierno ta bai cobra nos extra pa cada remedi (recept regel), na Eerste Hulp y na e Huisartes
post. Riba dje Gobierno ta bahando e pakete di servicio y cuido medico.Pueblo NO por mas. Minister