Page 86 - MIN.VOS ALEX MAY 8

contesta ya cu mi concern tabata cu aña pasa ma perde un y mi tabata tin miedo cu esey bolbe pasa.
Mesun dia ma hasi afspraak pa partera locual ma haye pa diamara 5 di Mei. Y mi mes a dicidi hasi un test
di sanger bou mi mes un costo pa mi confirma mi embarazo y sa maso menos mi tempo di estado. E
mesun dia atardi mi a haya mi resultado y logicamente positivo cu un embarazo di mas of menos un 6
siman. Mi tabata hopi contento pero concern alavez cu no bai pasa mesun cos cu aña pasa. Wel riba
diasabra 2 di Mei na trabau ma cuminsa sangra y mi a dicidi bai Emergencia. Mi a yega liher door cu mi
ta traha hopi cerca di hospital. Manera semper bo ta registra y sinta warda. Ma yega exactamente 6or di
atardi. Mi a wordo yama door di e nurse prome. Eynan el a coy mi presion locual el a geef aan cu tabata
halto. E nurse a puntra mi kiko ta e motibo cu bo ta kinan y ma splike e caso. E nurse a puntra mi y kiko
bo kier nos hasi pa bo? Bo sa cu si bo ta sangrando cu esey ta un aborto e ora? Ma conteste y mi tin hopi
dolor boso no por hasi nada pami?. E ora e nurse a bira y duna mi un pochi pami pishi locual ma hasi y
logicamente full e sanger so bo tabata wak den e pochi. Mi a entrege na e balie y nan a bisa mi sinta
warda pafo den gang. 9or di anochi nan a yamami bek paden locual mi tabata malo di dolor y tristeza nan
pasa mi den un camber. Despues di ongeveer di 10 minuut e dokter di warda den emergencia a drenta
(Dr Marcos bij Voet) cu un smile masha contento y cuminda. Den mi cabez midi kiko cos aki ta?. E
dokter a pidimi pa bai riba cama y el a coy mi presion un biaha mas locual ainda tabata sigui halto. Con
mi sa tambe ? Door cu mi tambe ta un enfermera gradua na 2013. Despues el a bisa cu e ta bai hasi un
echo di e bariga. Locual den mi cabez midi si ta seis siman mi tin dikon un echo na e bariga si semper ora
ta asina tiki siman ta transvaginal esey mester sosode. Den mi rabia min por papia y yora so mi tabata
por. Bon e dokter a hasi e echo y tur y bisami cu door cu ta tiki siman e no por wak nada. E dokter dimi ta
asumi cu ta un aborto natural door cu bo ta sangra. Y door cu mi yui tabata cumi e dokter di bo tin un yiu
caba wake. Mi a bisa dokter aña pasa tambe mi a perde bariga. E di bo tin un yiu caba si bo no tabata tin
uno lo ta otro cos pero bo tin un gezond kind caba. Asina ta djis bai cas. Mi ta sumamente disgusta y cu
hopi tristeza e manera cu e dokternan aki na Aruba ta handle vooral cumi. Ni con chikito cu bariga por ta
mi ilusion di mama e bon cu mi tabata crea pa cu mi bariga y bo ta bin asumi sin onderzoek na drechi y si
ta asina ni un curatage ni nada?. Asina nan ta handle cu mayornan perde nan bariga? Asina nalatig? No
ta fair e trato cu mi a haya echt nada fair pa cu mi dolor. Y nan mes por manda un verwijs pa ginecoloog
dikon no haci esey di biaha? Ta di dos perdi tras di otro y segun theoria mester hasi un onderzoek di kiko
por ta pasando. Awor mi mes tin cu bai dokter di cas pa verwijs mi y mi ta sangra bai cu dolor sinti tur
zwak anto ta weekend y mester warda te dialuna. Esey ta husto? Mi ta humano mescos resto den hospital
y mi tambe tin derecho. Riba dje mi papel cu nan ta yena den emergencia tur slordig. E verpleegkundige
ni a scirbi mi bloeddruk y ta dokter mes a scirbi den pura y ni e resultado di e urinetest no a wordo bisa
ni vermeld.
E fotonan ta indica algun di e pruebanan cu tin relaciona cu henter e proceso cu a tuma lugar.