Page 81 - MIN.VOS ALEX MAY 8

Sarah-Quita Offringa ta gana prome evento di slalom na Sur
Corea

 May 8th, 2015
 Deporte

Biento na abundancia manera nos ta presencia e dianan aki na Aruba no tabata tin na Sur Corea
durante 4 dia pa por duna inicio na e prome evento di slalom di e PWA Tour 2015. Finalmente
ariba e di cinco y di seis dia di e evento biento ta lanta y ta permiti pa completa 4 eliminacion.
Des pues di 2 careda Sarah-Quita y Fulya Unlu di Turkia ta empata na prome lugar. Sinembargo
e regla di slalom pa kibra empate ta cu e regatista cu gana e ultimo careda ta ser otorga e victoria.
Di e manera aki Sarah-Quita ta lidera e ranking. Su siguiente dia un tercer careda ta tuma luga
unda Lena Erdil di Turkia ta gana e careda aki y supuestamente e evento tambe cu ta causa cu
Sarah-Quita ta na segundo lugar awor como cu e diferencia den puntuahe ta 0.3 entre e top tres
regatista femenino. Lena , Fulya y Sarah-Quita cada biaha tabata altera como lider. Lena Erdil no
por canta gloria ainda como cu e biento ta keda supla y e director di careda ta opta pa corre un di
cuater careda. E di cuater careda ta un prueba definitivo di forsa. E bataya fuerte tabata entre
Lena Erdil y Sarah-Quita como cu un di nan por a titula campeon di e prome evento di slalom di
2015. Sinembargo desde comienso te fin tawata Offringa cu ta marca paso di e ultimo careda y ta
extende su bentaha ariba su contrincante mas y mas ken ta mira su speranza pa gana e evento
disparce dilanti su wowo na di tres lugar den e ultimo careda. E comentario consecuentemente ta
cu “Offringa su prome posicion den e flota di regatista nunca tabata core peliger y e Arubiano ta
crusa e liña final no solamente como ganador di e manga , pero tambe di e evento.”
Por mira e ultimo careda na www.pwaworldtour.com, pwa facebook

http://masnoticia.com/sarah-quita-offringa-ta-gana-prome-evento-di-slalom-na-sur-corea/