Page 80 - MIN.VOS ALEX MAY 8

Dokter Narain ta gana caso contra hospital

 May 8th, 2015
 Corte

Diabierna mainta e caso di dokter Narain contra hospital a tuma lugar pa cual aki despues di
merdia a conoce e resultado cu e dokter por bay sigui traha bek te dia 27 di Mei 2015. Dokter
Narain ta splica e caso den corte.
Segun veredicto di huez, voorlopig, el a dicta cu e por drenta hospital. No tabata tin otro opcion
pa hospital cu nan tin cu permiti e dokter drenta hospital, na bienestar di e pashentnan.
Dr. Narain a sigui splica cu segun e uitspraak a dune entrada temporal, pero mas no por bisa di e
parti ey. Pero desde e mometo aki e por traha den hospital, percura pa su pashentnan te cu dia 27
di Mei, 2015, manera menciona.
Tabata tin un acuerdo cu ta data 15 aña pasa cu e dokter por traha te cu 70 aña. Dr. Narain a
splica cu su abogado lo bay dig in den esaki. Si el a firma cu e lo traha te cu 70 aña. Awor aki
hospital no ta aprecia e acuerdo aki, nan tin contra di e edad di e dokter.
Te awor aki tin 50 pashent cu ta wardando pa wordo opera te cu dia 27 di Mei. Awor e tin cu bay
check cua ta mas importante pa wordo atendi. Sigur e no lo por haal’e.
Manera e dokter a bisa, cu no tabata tin nada riba un investigacion. Tabata un di e engañonan di
e hospital. El a custuma cu nan ta gaña.
Awor e por bay hospital pa asina atende su casonan. Ta djis su carnet mester wordo reactiva pa e
por tin acceso liber.

http://masnoticia.com/dokter-narain-ta-gana-caso-contra-hospital/